政事
胡國興昨日公佈參選特首政綱，老實講無乜新意，重提政改又講唔到有乜方案可以得到立法會三分二通過，其他都係炒埋一碟。
胡官政綱包括支持全民退保、叫政府帶頭搞標準工時，取消小學三年級TSA、特首不再做大學校監等等，總之覺得市民鐘意的就寫進去，但無甚焦點，亦沒有施政大方向。
胡官10月底公布參選，最吸晴的是句句寸CY。但如今CY退選，胡官就如失焦那樣。
各方都睇淡胡官可以攞到150張提名票入閘，他被問到預期是否有足夠提名入閘，他都顧左右而言他。
有人話胡官係攻擊CY的B隊，CY不選，可能至少要等林鄭出來，才再有攻擊的目標了。
Ariel
** 博客文章文責自負,不代表本公司立場 **
隨著現屆特首CY宣佈放棄競選連任，下屆特首跑馬仔進入白熱化階段。財爺曾俊華雖然未有中央祝福，已辭職備戰，不過，昨日見記者時沒有宣布參選。
今日CY見記者時話，呢兩個月兩個月是政府最忙的時候，因分別要宣讀施政報告及準備財政預算案，明言財政司長在這時候辭職有影響，之後更補充道：「不要說兩位司長辭職」，現在只是財政司長辭職已「相當大程度影響」。
政壇高人提醒Ariel，話要注意CY的講話，話作咁講言之有理，財爺正在編寫預算案，依家佢只係話辭職，又無宣布參選，如果有心參選特首，係咪應該早啲，例如7、8月開始做預算案前早早辭，咁特首可以另做準備。
高人話，依家財爺做緊預算案，做到半路中途，突然辭職，又係咪負責任呢？
Ariel心生疑問，財爺咁臨急臨忙辭職，中央會唔會咁順攤快快放行？
