港女拼多多3蚊買熊公仔畀愛犬 收貨時竟變一食物笑爆網民

網購愈來愈方便，不少人購物前第一時間都會先瀏覽各大網購平台，部分平台除咗價錢夠平，甚至免運費，吸引大批顧客幫襯。不過，有時貪平可能要承受更大的風險。早前一位港女就喺拼多多為愛犬訂購玩具，原本諗住買一隻熊公仔，點知到手拆貨後，竟然變成一隻可食用嘅番薯，令一眾網民笑爆嘴。

網上圖片

《愛回家》劇照，示意圖片

早前，一位港女原本想喺拼多多以超抵價3元人民幣連運費嘅價錢，為愛犬買入一隻熊公仔，而因為呢隻熊公仔外型酷似《Mr.Bean》入面嘅熊仔，令佢非常期待。豈料到貨拆件後，竟發現產品完全不符！打開包裹後不但冇公仔，換來一隻尚沾有少量泥土嘅番薯，令發文者極度失望。她在帖文中寫到「有冇人可以洗吓我腦 拼多多好好，幫隻狗買咗個玩具，勁得意好似mr beans 隻熊，嚟到打開得粒番薯」她無奈自嘲「原來我係戇豆熊」！

因為呢隻熊公仔外型酷似《Mr.Bean》入面嘅熊仔，令港女非常期待。網上圖片

港女打開包裹後不但冇公仔，換來一隻尚沾有少量泥土嘅番薯，令她發文者極度失望。網上圖片

帖文隨即引起網民關注，有網民笑稱「你按下個番薯有冇發聲？」、「係咪出奇蛋咁，食完隻公仔喺入面」；又有相同經歷嘅網民留言表示「我都試過，客服話係原本件貨俾人偷咗，然後偷嘢嘅人會塞返件cheap嘢入去」。亦有人提醒「個人認為寵物用品都係唔好拼多多，比寵物用之前都洗吓先」。

市面常見的娃娃菜包裝得密不透風，袋內幾乎沒有空氣，猶如抽真空般，背後原理一直令不少師奶感到好奇。近日有網民在Threads發帖「破解」娃娃菜包裝之謎，更有現場影片曝光，揭開真相。原來包裝並非靠高科技設備或熱縮膜，而是工人憑經驗徒手高速將娃娃菜塞入膠袋，令網民大嘆神奇。

網上圖片

有網民在 Threads 上發帖，對娃娃菜這種極度緊密的包裝方式表達強烈好奇。帖文指出，娃娃菜包裝後呈現出宛如抽真空般的繃緊狀態，內部幾乎「毫無空氣」，令人好奇生產商究竟運用了何種特殊技術或機器設備才能達到此效果。帖文一出 ，迅速吸引大量 市民關注，紛紛表示自己 平時買菜時也曾有過相同疑問。

網上圖片

針對娃娃菜的包裝原理，不少網民發揮創意，給出各種令人捧腹的搞笑推測。有網民幽默表示「種出嘅時候就會自帶個膠袋出嚟」、「娃娃菜顧名思義就係菜仲係娃娃咁細個嘅時候放入膠袋等成熟，就可以拎去賣」。與此同時，也有不少人探討娃娃菜在日常生活中的實用價值，指出「呢條菜方便放喺屋企做儲糧」，而且「平平地又放得耐」。更有不少市民感到共鳴，表示「起身煮個麵，加條菜都唔錯」，認為它是快熟方便的配菜首選。

網上圖片

網上圖片

隨著討論熱度攀升，有知情網民分享了娃娃菜現場包裝的實況影片，終於揭開了這一神秘面紗。原來，娃娃菜的包裝過程既不使用高科技自動化設備，也非熱縮膜技術，而是全靠工人純人工以極快速度與技巧，硬生生將娃娃菜塞進繃緊的膠袋內。

影片曝光後讓大批網民大開眼界，紛紛留言驚嘆「有片睇就啱啦」、「竟然真係塞入去㗎」。不少人更打趣道「只要速度快到菜自己都唔知俾人矇頭蓋臉塞入去就成功咗」、「世上無難事，只要夾硬塞」、「真係估唔到，我仲以為要熱縮之類」。此外，許多網民對工人嫻熟的手藝表示佩服，大讚「好犀利」、「真係又塞爛又塞得好滿」。也有體諒基層勞動辛苦的網民指出「其實真係要好用力先塞得入！血汗錢唔易賺」，感嘆看似簡單的菜包裝背後，其實全靠體力與經驗累積而成。