42歲港男想辭職「躺平」靠父蔭 每月靠一萬長俸過活 遭網民潑冷水

「躺平」風氣近年盛行，不少打工仔面對沉重工作壓力，都渴望提早退休。近日網上討論區出現一篇惹火帖文，一名42歲單身港男感嘆「返工咁辛苦真係想辭職」，打算依靠退休公務員父親每月的長俸過活，隨即引發熱議。

網上截圖

該名網民以「阿爸是退休公務員，我想躺平」為題發文，指自己現年42歲，單身且與父母同住，無結婚打算。父親每月可領取約兩萬多元長俸，並從中給予他一萬元作為生活費。事主直言：「其實慳慳地都夠我使，返工咁辛苦真係想辭職躺平，有冇得諗？」

一名42歲單身港男感嘆「返工咁辛苦真係想辭職」，打算依靠退休公務員父親每月的長俸過活。AI生成圖

帖文引來網民兩極反應。有人直斥「四十幾歲仲啃老，你都得㗎喇！」，批評其行為如同寄生蟲，認為父親辛勞大半生，應把錢留給自己享受；但也有部分人笑言事主條件優厚，堪稱「人生勝利組」，更戲稱：「令尊收唔收契仔？」

事主父親每月可領取約兩萬多元長俸，並從中給予他一萬元作為生活費。AI生成圖

不過，大批網民隨即向事主潑冷水，點出「躺平大計」的最大漏洞，就是父親的壽命與長俸的發放機制。有網民一語道破：「父親總有離去的一天。」有人更為事主計算，指他現時42歲，距離合資格領取長者生活津貼的65歲還有整整23年，這段時間必須確保父親健在。一旦父親離世，長俸便會停止發放，屆時年過半百的事主將面臨手停口停的困境。更有網民毫不客氣地嘲諷：「你阿爸去嘅時候，拉埋你去殉葬，咁就躺喇。」

有熱心網民則建議事主做好兩手準備，包括考的士牌照以備不時之需，或尋找工時較短的兼職工作，如餐飲或社福機構的半職崗位，以維持基本社交及人生歷練。

大批網民隨即向事主潑冷水，點出「躺平大計」的最大漏洞，就是父親的壽命與長俸的發放機制。AI生成圖

根據現行制度，公務員長俸是「舊制公務員」獨有的福利。政府於1999年改革公務員制度，2000年6月1日或之後入職的公務員改行公積金計劃。舊制公務員則可選擇將一定比例的退休金折算為一筆過退休酬金，餘額按月發放直至離世為止。換言之，父親的長俸並非「世襲」福利，事主的躺平大計隨時有中斷之虞。

成績差可以靠補習惡補，但學校從來冇教過的兩性相處之道，若然出現問題又應該點算好？早前有連登仔發文狠批香港女仔「好無趣味」，帖文一出即引來大批網民表示有共鳴，有人力撐樓主觀點，亦有人客觀分析反駁，掀起一場關於性別、情商與戀愛觀的激辯。

事緣早前一位連登仔以「同香港啲女傾偈真係好無趣味」為題發文，內容狠批一眾港女自私兼自大。示意圖。《愛回家》劇照

事緣早前一位連登仔以「同香港啲女傾偈真係好無趣味」為題發文，內容狠批一眾港女自私兼自大。樓主直言港女「下下要對話方諗話題」，又指「啲回答永遠係唔會令到個話題係可以延續到落去，你話佢唔想傾又唔係，但就係預左人地會湊住佢嚟傾」，怒斥「即係情緒價值就佢要晒，對方就只能係付出嗰一方，講嘢引你笑，就剩係識笑」。樓主更進一步分析，話「你可能話佢對你無興趣，但又唔係完全唔理你」，最後拋下一句「真係俾你媾到，同呢啲人一齊都幾辛苦」，怨氣可謂衝天。

示意圖。《愛回家》劇照

發文者對港女怨氣多多，而一眾連登 仔似乎亦深有共鳴。帖文不但吸引過千正評認同觀點，更有大批網民紛紛留言和應，直指「下下你撩佢，佢永遠唔會主動搵你」，有人更狠批「嗰啲眼角高既女就由佢哋孤獨終老啦，性格有問題」，亦有網民不留情面地指「港女嗰種西面西格係獨有，港女玩threads好多都臭串過人，自我中心到極」，言詞相當激烈。

示意圖。《愛回家》劇照

雖然不少人認同樓主觀點，但亦有網民客觀分析，坦言「因為就屬香港女性教育水平同就業環境都比其他地方都好」，又對比連登仔嚮往的日本女性指「日本妹點解咁順從，因為佢哋喺職場就係要做阿四，俾人無限打壓」，試圖從社會結構解釋兩地女性性格差異的根源。

示意圖。《愛回家》劇照

不過，有港女直指問題與性別無關，坦言「香港人男女都情商低」，更剖析港女心態：「女的由細到大被洗腦，俾人摸一下就蝕低，唔理人就等於高貴，主動就唔值錢，愛情入面邊個鍾意對方多啲就邊個佔下風失去主動權」。亦有網民認為港男同樣問題多多：「男的都唔少情商低，例如衝動，唔識解決問題，自以為好理性其實好X，俾囡氹一氹就乜都出錢出力」，最後更感嘆「一個人的情商都幾重要，唔知點解學校唔教」。