民青局「內地實習計劃」首增傳媒產業項目　麥美娟親到湖南衞視「探班」　

每年暑假，民政及青年事務局都透過「內地專題實習計劃」，為港青提供多元化、具特色同有深度嘅專題實習機會，包括文物保育、科研、生態環境等不同範疇，好受大專生歡迎。

2025年《施政報告》提出喺「青年人才培養計劃」下推出全新嘅傳媒專題內地實習計劃。所以，今年亦加入咗「湖南傳媒產業青年實習計劃」，由民青局同湖南衛視合辦，畀修讀傳理系相關科目嘅大專學生到湖南媒體實習。

「湖南傳媒產業青年實習計劃」，由民青局同湖南衛視合辦，畀修讀傳理系相關科目嘅大專學生到湖南媒體實習。

民青局局長麥美娟早前親到湖南出席「湖南傳媒產業青年實習計劃」結業禮，分享同學嘅實習成果。麥局長話，16名同學在過去2星期跟隨湖南衞視的製作團隊，親身參與節目策劃、編劇及後期製作等工作，深入了解內地的媒體環境、行業運作同發展趨勢，同學都話今次經驗對他們將來投身傳媒工作好有幫助。

實習同學親身參與節目策劃、編劇及後期製作等工作，深入了解內地的媒體環境、行業運作同發展趨勢。

局長仲話，為推動青年認識國家同支持青年融入及服務國家發展大局，每年都會透過內地相關單位合作，提供多元化、具特色及有深度的專題實習機會。

民青局常秘李百全指，「敦煌青年實習計劃」讓港青可到莫高窟學習成為講解員。

而民青局常秘李百全、同民青局副長局梁宏正亦分別去咗敦煌同北京探望實習同學。常秘李百全話，每年民青局都會舉辦「敦煌青年實習計劃」，讓港青可到著名的莫高窟學習成為講解員，實習同學都需要經過敦煌研究院的專業培訓，深入了解敦煌文化、地理同保護文物工作，通過考核才能成為講解員，向來自世界各地的遊客介紹每一個洞窟背後的歷史，仲有壁畫背後的故事，弘揚中國傳統文化。佢話，是今次是一個非常難得的機會，因為做講解員真係唔簡單，但聽老師透露，香港的實習生非常勤力，唔怕辛苦，捱更抵夜學習。

北京的「港澳青年故宮實習計劃」。

副局長梁宏正就去咗北京出席「港澳青年故宮實習計劃」同「中國科學院青年實習計劃」的開幕禮。其中，參與故宮實習計劃的20名同學在故宮導師帶領下，參與文物修復、展覽策劃同考古研究等工作；而20個在中科院實習的同學就有機會近距離體驗前沿科研工作的魅力，加深認識國家高端科技的發展。

除咗以上4個項目，民青局內地專題實習計劃仲包括「大熊貓國家公園臥龍片區青年實習計劃」、「山東青島海洋科學青年實習計劃」同「武夷山生物多樣性保育青年實習計劃」，為實習同學提供培訓、實地考察及其他文化交流活動，透過呢啲計劃，可讓青年更好裝備自己，日後在不同崗位上發揮所長，融入及服務國家發展大局。

Sebastian

** 博客文章文責自負,不代表本公司立場 **

政府同TVB聯手打造的迷你短劇《好嘢港多啲》，每集兩分鐘，由人氣藝人參演，介紹香港各式各樣「好嘢」。剛於上周六（8月1日）播出嘅一集，就由鄭衍峰同鄺潔楹帶大家一齊探索紅花嶺郊野公園。紅花嶺是香港第25個郊野公園，同深圳梧桐山一脈相連，深港政府透過建立「跨境生態廊道」，讓野生動物可以自由穿梭兩地；而這個效野公園，仲係北部都會區「藍綠康樂旅遊生態圈」嘅一部分。

《好嘢港多啲》由鄭衍峰同鄺潔楹帶大家一齊探索紅花嶺郊野公園。

節目中，鄺潔楹大讚香港郊野公園交通方便，大約半小時就可從港鐵站來到美麗的郊區。鄭衍峰都好同意，認為香港除了是購物天堂，也是盛事與美食之都，更加係享譽國際的郊遊勝地，好似香港四大遠足徑（四徑），包括麥理浩徑、衛奕信徑、港島徑、鳳凰徑，其中麥理浩徑曾榮獲《國家地理雜誌》評選為「全球20條夢想行山徑之一」。

鄭衍峰仲話，唔單止遠足徑，香港的郊野和地質公園都曾獲過好多國際榮譽，好似香港聯合國教科文組織世界地質公園，就於2025年聯合國教科文組織世界地質公園大會榮獲「最佳實踐獎」，唔怪得每年都吸引好多市民、遊客到訪。

紅花嶺郊野公園，連接了蓮麻坑和紅花嶺兩條郊遊徑。

講番沙頭角的紅花嶺郊野公園，自2024年開放。鄭衍峰話，紅花嶺郊野公園，連接了蓮麻坑和紅花嶺兩條郊遊徑，沿著路走就可以去到紅花寨，仲可以欣賞到沙頭角海和深圳梧桐山的美景。由於同對面深圳的梧桐山連在一起，有好多野生動物喺呢度棲息，所以兩地政府合作建設了跨境生態廊道，讓動物可以自由穿梭。

「蓮麻坑鉛礦洞」係全港第一個開放式博物館，成為最新打卡熱點。

今次兩人在節目仲介紹了「蓮麻坑鉛礦洞」係全港第一個開放式博物館，這個礦洞曾經係香港最大規模嘅鉛礦場，但依家成為重要嘅蝙蝠棲息地，曾經記錄到有10種蝙蝠，包括大蹄蝙、南長翼蝙等，佔全港品種的4成，仲喺1994年被列為「具特殊科學價值地點」。

「蓮麻坑鉛礦洞」曾經係香港最大規模嘅鉛礦場，但依家成為重要嘅蝙蝠棲息地。

香港的大自然保育得這麼好，怪不得政府特別推廣「四山」旅遊，包括太平山、鳳凰山、西貢海及大帽山，都一樣交通便利同風景優美，非常適合市民半天遊，欣賞香港的自然景觀。

想知多啲紅花嶺郊野公園？記住留意《好嘢港多啲》，睇多啲香港好嘢啦！