一名應屆DSE考生近日在社交平台發文，稱為圓英國升學夢，向父母提出約120萬元留學開支計劃，惟遭拒並被責備，遂公開訴說不滿，引發網民熱議。事主表示早於中三已計劃海外升學，最終選擇英國列斯大學路線，惟父母認為香港升學已足夠。事件掀起兩極討論，有人批評應自負學費，亦有人鼓勵靠獎學金及儲蓄追夢。
示意圖片
事主在帖文中大吐苦水，指自己其實早在中三那年（2021年）已下定決心要到外國讀大學，苦等數年自覺「已經有啲辛苦」。他透露，屋企人當年確實答應讓他到外國升學，惟最終因細佬的國際學校監護人問題而取消計劃，「屋企人喺我中三嗰年話可以去外國讀大學，而前排其實考慮過全屋移民去波蘭（我細佬讀國際學校冇監護人問題取消），我先會咁樣提出。」
樓主最終選定英國列斯（Leeds）作為升學目的地，預計約120萬港元便能完成一年基礎課程及三年學士學位。他解釋選擇列斯的原因，「我揀咗英國比較平嘅城市『列斯』，多香港人+適合。有bno嘅加持令簽證比較容易，計落1 year prepartory course + 3 years major大概120萬，價錢比之前考慮過嘅波蘭差唔多」。樓主更透露打算在讀大學期間順便入籍英國，「同埋讀大學嘅時候，順便坐埋六年攞citizenship。發現唔適合都可以返嚟香港打工。」
示意圖片
然而，當樓主滿心歡喜向父母提出計劃時，卻換來嚴厲指責。他指父母對歐美極度反感，「佢哋鬧得好難聽，其實屋企負擔到，但係佢哋反應咁大真係有啲悲哀」。樓主不甘地表示，「其實小弟我計過數係完全負擔到，但係有可能佢哋視讀大學為一個投資，覺得喺香港讀都係一樣學位...但係我想試吓另外一種生活方式」、「我都係衡量一下屋企經濟狀況，又唔係偷錢」。
《愛回家》劇照。示意圖片
帖文曝光後旋即掀起網民兩極反應。有人認為出國留學絕非小數目，狠批樓主不應攤大手板問父母攞錢，「自己人生自己負責，你自己出錢先有資格講合理」、「你有能力唔使攤大手板問人攞錢的話就啱，邊個比錢邊個大哂」、「你幫你屋企計數，你講得呢句真係好恐怖」。
有網民更直指樓主已屆成年，應為自己負責，「你滿18歲，父母撫養你嘅法律責任已經完咗。屋企嘅錢係你父母辛苦賺返嚟嘅私人財產，佢哋鍾意點用就點用，完全同你無關。你幫屋企人哋計定錢去讀書？父母舊錢冇義務留畀你。想去英國？自己賺錢去，唔好老奉當父母係你嘅自動提款機。」
《愛回家》劇照。示意圖片
不過，亦有網民留言鼓勵樓主，建議他透過獎學金或儲錢方式圓夢，「攞到獎學金嘅話就唔使睇佢哋面色，加油」、「真係想去外國讀，可以自己儲錢master去外國讀」、「當年我都放棄咗英國大學offer，喺香港讀2年、一路落嚟儲錢同攞獎學金轉去美國讀書」、「真心建議你可以自己儲錢master去外國讀，master讀1-2年負擔細過bachelor好多，而且bachelor成績好會有資助」。
