泳兒剖白「存活」的現實 入行廿年唔求其：我鍾意精雕細琢！

繼《散光》後，泳兒（Vincy）今日（8月10日）推出全新派台作品《存活》。如果說《散光》是要看清身邊事物，這次《存活》就是教大家在這個紛亂的世界中，真正的「活着」。

泳兒推出全新派台作品《存活》。

觀看相關影片按連結：https://youtu.be/5eDIA4NeGkM

歌曲由Eagle Chan作曲、Oscar填詞、蔡德才監製，講述的不單止是呼吸生存，而是一種對生命的熱誠及追求。Vincy說：「存在，基本上係維持生命指數，三餐溫飽就夠；但『活着』係對生活有盼望，甚至係有使命感。」

MV圖片

這次新歌靈感，原來源自Vincy三月去芬蘭旅行的經歷。她透露本來這個旅程沒有追極光的打算，順其自然就好，因為之前已在冰島看過，但後來想深一層，既然飛到芬蘭，為甚麼不積極點追多次？雖然最後因為天氣惡劣看不到，但這個過程反而令大徹大悟，「對於生活、生命其實唔可以計較最終個結果，過程中你嘅盼望、追求，呢個先係最珍貴。」這份領悟，正正就是《存活》的核心訊息。

MV圖片

不經不覺入行已經二十年，Vincy坦言期間容易迷失，甚至失去當初的熱誠，但她很Proud of自己對每樣事情依然着緊，甚至有點「執着」。她笑着說：「好老土咁講，如果人冇夢想，同條鹹魚有咩分別？」說到歌曲主題「存活」，多年來不少網民都認為她值得更多，對於這份外界的情感，Vincy亦有所感觸，二十年的默默耕耘，很多時付出了，不一定有回報，這就是「存活」的現實，但同時她亦想帶出「活着」的另一層意義，「過程中你有認真對待、有投入過，嗰種熱血就已經係活着嘅證明。」佢更自嘲自己就係有種「要繼續努力」嘅執着，這份堅持不但是對自己的勉勵，同時是對所有站在不同崗位努力中的人說：只要還有團火，就算結果不似預期，都已經對得住自己。

MV圖片

MV圖片

問到這個階段最不想迎合甚麼？Vincy斬釘截鐵說：「我唔想去迎合『是但求其』去生活！我見到唔夠好就會出聲，會去整番好佢，絕對唔會求其過到關就算。我係鍾意精雕細琢，呢個就係我存活嘅方式。」她更謂希望無論做幾多年，都要保持這種「存活嘅執着」，不要讓其他人改變自己。

MV圖片

MV圖片

至於MV拍攝方面，可以說是「計劃趕不上變化」，原本想挑戰行九百級樓梯看秘景，不過七月幾乎每天都下大雨，最後轉行Plan B，改為於生活細節中找尋「活着」的感覺。場景包括Vincy屋企、南生圍及車廂，更有她跟愛犬Batman的互動。

MV圖片

提到南生圍拍攝，Vincy自爆她一個「無聊但存活」的體現，就係將家中的雪糕帶到荒野，「喺荒山野嶺熱到傻嘅時候，可以靜靜坐喺度嘆杯冰凍雪糕，嗰種感覺就係活着！」她還說今次還測試了最近十分流行的保溫杯，「到底係咪真係可以完完全全將屋企嘅雪糕，成功帶去郊外幾個鐘都係唔會溶？結果我係成功嘅！」

MV圖片

MV圖片

MV圖片

Gin Lee李幸倪、泳兒（Vincy）及樂隊Daze in White日前出席《廣州超級草莓音樂節》，三個單位輪住上台，氣氛熱爆。

Gin Lee李幸倪

泳兒

Daze in White

由於首次參與音樂節，Gin坦言很多時情都預計不到，所以唯有上網做功課，不過她看得最多的，竟然是當日的天氣預測，她笑着說：「因為我好怕熱，Overheat會hang機諗唔到嘢，所以要喺三十幾度曝曬嘅環境下表演係一大挑戰！」不過她亦做足全部散熱措施。最後順利完成，更說當日比平時更有power，「真係要多謝班fans俾咗我好多力量，我望住台下嘅佢哋個個曬到紅卜卜，都仍然好投入同我一齊享受八首歌嘅表演，所以佢哋真係我嘅動力！完成咗表演我哋大家要乖乖返去做返好美白，至少黑咗幾度呀，哈哈。」

Gin Lee李幸倪

Gin Lee李幸倪

Gin Lee李幸倪

Vincy就話好開心可以再次參與草莓音樂節，雖然天氣酷熱，但見到大家很熱情地等她出來，又一齊大合唱，渡過了一個非常難忘的中秋，「唱咗一半《我的回憶不是我的》時，已經全場大合唱，可能因為咁，大家就以為呢首係最後一首歌，所以已經嗌encore，好搞笑。希望嚟緊希望可以多啲參與音樂節，因為戶外氣氛真係好好。」

泳兒

泳兒

泳兒

至於樂隊Daze in White，早前部分成員曾以合作樂手身份為其他歌手伴奏參與過「草莓音樂節」，但以Daze in White樂隊名義全體一同登台演出。除此之外，樂隊成員Eugene今次亦擔任師姐Gin的鍵琴手，不過期間則發生一段驚險的小插曲，「成員Michael揸車車Eugene先出發到場地。點知過關後Michael先發現主音Felix個銀包同所有個人證件都留喺佢車上！好在最後及時將證件送番澳門俾Felix過關，如果唔係就上演樂隊首次登上草莓音樂節，主音無法到場嘅驚險場面。」

Daze in White