泳兒（Vincy）今日（11月2日）推出全新歌曲《旁邊》，今次特別邀得林家謙作曲，原來當初Vincy只是給了對方一張雲加梯的照片便成事。Vincy笑言入行二十年，經驗多了、負擔亦多了，今次特意找家謙寫一首輕盈的歌，幫自己尋回那種純粹感覺。
泳兒推出全新歌曲《旁邊》。
觀看相關影片按連結：https://youtu.be/bbQb3QWFuCo
Vincy透露，當初邀請家謙作曲時，第一下就給了他一張照片，「嗰張相就係有一嚿雲同埋有一條梯，我同佢講我好想有一隻好輕盈嘅歌。」她解釋，入行二十年，有了經驗固然進步了，但同時亦多了負擔、想多了，不再那麼純粹，「呢隻歌嘅風格就係一隻俾我尋找番好輕盈嘅感覺。」
泳兒
至於歌曲的受眾，Vincy直言很想送給一些失眠的朋友，「我覺得呢個世代好多人都因為壓力好大，或者負擔好重而失眠，包括我自己曾經都經歷過失眠呢個階段。」她希望聽眾聽完之後可以放下當日的煩惱或負擔，「可以好好咁樣去瞓一個覺。」
泳兒
歌曲主題「旁邊」其實是填詞人Oscar綜合了Vincy、家謙及他自己想法而成。Vincy指大家有個共通感覺，就是有時要不停追求、追趕一些東西，無論是deadline、schedule還是成績，其實都會累，Vincy笑言：「我一直都唔鍾意應酬，哈哈。」她直言人與人之間終日處於「我要應酬你」的狀態其實很辛苦，「我以前好I，我唔鍾意刻意迫自己去變成好E，摷啲話題去講嚟做一個應酬。但我而家覺得真係冇嘢講，就唔好講，忠於自己。」
泳兒
Vincy笑指現在揸了車就可以即刻走，「唔需要去應酬，哈哈。」但她強調會盡量找個平衡，「如果真係冇嘢講咪靜靜地喺一邊，冇問題㗎。其實所有嘢都係自己心態，可能你做咗十次E人，但第十一次你都覺得係做番自己啦。」
泳兒
歌曲同時講述不再執著向世界證明自己，Vincy坦言以前在意別人如何看自己，「驚人哋唔鍾意我，或者好驚我做啲嘢令到人哋覺得唔開心，人哋嘅情緒又好容易影響到我嘅情緒。」她形容以前做每件事情都會想「人哋會點樣睇我呢？會唔會有啲唔好嘅印象呀？」但現在發現這些都是多餘，「因為可能其實人哋冇將我睇得咁重，哈哈。係你自己覺得咋嘛、自己鑽牛角尖。」
泳兒
Vincy透露，有幾句歌詞非常喜歡，尤其蘇道哲幫她錄音時所選的那一take，每次聽到都覺得很感動，「就係『人們要在糾纏 理所當然 我卻低頭 覓光線』，我覺得有時候你唔一定要淨係識得抬頭去追、去衝，有時候低頭望吓，可能都會有其他嘅機會，每個人行嘅路都唔一樣。」問到現實生活中要揀一個人陪她一起匿埋「旁邊」不理世事，Vincy即搞笑謂：「我會揀電話！哈哈！因為佢可以幫我connect全世界，又可以幫我shut up全世界，哈哈。」
泳兒
泳兒
