中年好聲音4｜魔音女團紅地氈撐尹景順鄭家聲　莊子璇嫌低胸造型：唔好再俾我著

娛圈事

中年好聲音4｜魔音女團紅地氈撐尹景順鄭家聲　莊子璇嫌低胸造型：唔好再俾我著

2026年08月23日 21:55 最後更新：21:59

《中年好聲音4登峯之戰》星期日晚（8月23日）假啟德體藝館舉行，7強參賽者盛裝亮相競逐終極王者寶座，並由翡翠台晚上7時30分現場直播。女子組合魔音女團MYNT性感亮相紅地氈，隊長宋宛穎指，雖然今晚無緣表演，但都「發夢」希望之後可以有機會展商啟德的舞台。宋宛穎指自己好中意大熱選手3號尹景順，「佢哋叫佢馬來西亞周深，係佢啦冠軍！」，至於喬美莎就最看好鄭家聲，「Nelson的Hip-hop好叻，好中意佢！希望佢會贏」，喬美莎指自己好期待可以同鄭家聲一齊跳舞，一齊PK較量舞技！

港姐冠軍出身的莊子璇（Hilary）以性感造型亮相，不過她就指自己其實「真係好憎著咁性感的衫，唔好再俾我著咁低胸的衫了！」談及第一次拍MV的感受，倪嘉雯指自己與倪樂琳是真的首次拍攝MV，「其它成員都做過其它人的MV女主角，得我哋兩個係無做過」，對於她們二人來說，模式上好陌生亦好新鮮的體驗。倪嘉雯指拍MV最難的部分，是要面對鏡頭「發放我的魅力，要攝人，要攝個鏡頭，我覺得好難」，倪嘉雯又指自己睇返個MV，這方面做得不夠好，「要再學習果d眼神」

點擊看圖輯

女子組合魔音女團MYNT性感亮相紅地氈。巴士的報記者攝

更多相片

女子組合魔音女團MYNT性感亮相紅地氈。巴士的報記者攝

往下看更多文章

中年好聲音4｜尹景順封王「多謝香港俾我機會」鄭家聲認真考慮搬來香港發展

TVB王牌音樂節目《中年好聲音4》總決賽《登峯之戰》星期日（8月23日）假啟德體藝館圓滿結束，終極三甲賽果正式誕生，尹景順以大熱姿態成功奪得冠軍寶座及十萬元獎金，許雲妮屈居亞軍，鄭家聲奪得季軍。尹景順接受訪問時表示，多謝評審的包容和觀眾的投票，「今晚的表現雖然不少甩漏，希望以後有更多的機會，唱好啲歌俾大家聽！」

許雲妮接受傳媒訪問時為大家重現在舞台領獎一刻的得獎感言，她除了多謝主辦方TVB與家人之外，還特別多謝所有的參賽者。「如果無你哋，我唔會有一個咁愉快既旅程」。

鄭家聲就指今晚的比賽好好玩，之前未期待自己可以闖入三甲，突然見到自己的名字，「係嚇咗一跳」，他指自己全程玩得太high。鄭家聲又指自己今晚的表現應該可以再好啲，「跳唱個part應該再留番啲氣，無咁喘氣」他指自己綵排反而好冷靜，反而到比賽當晚一見到大家就出好多力，「下次演唱會睇吓有無機會再做好啲」

被問到屈居第二會否不甘，許雲妮就笑言已經係「多咗」，她預料自己最多可以拿到第四，從未想過可以闖三甲。尹景順在一旁補充指，無論100強、20強、10強還是7強，大家的實力都好平均，任何小小的甩漏，就會帶來不同的結果。「大家都當今晚係一個自己既show來做，希望帶給大家一個好好的演唱會，而唔係一場比賽來做」

賽前已大熱的尹景順實至名歸奪得冠軍，他指自己其實無壓力，而奪冠後亦暫時無移民香港計劃，「希望無論係馬來西亞還是香港，都可以多啲工作機會，有多啲機會可以見到大家」。而家人在多倫多的鄭家聲就指，自己需要花啲時間認真諗吓是否需搬來香港定居，「因為一程機就15個鐘，但我都係希望可以兩邊走，始終屋企人都係果邊」

曾經在台灣讀書生活了6年的尹景順指，當初都嘗試留在台灣唱歌發展，不過最終未能成功，所以好多謝香港給自己一個機會，可以拿到冠軍。

你或有興趣的文章

中年好聲音4｜魔音女團紅地氈撐尹景順鄭家聲　莊子璇嫌低胸造型：唔好再俾我著

娛圈事