姚正菁《大AL的音樂歷程》演唱會首度獻唱 林寶玉自製Fans牌成焦點

由新世界娛樂呈獻《大AL的音樂歷程》演唱會日前在數碼港商場中央表演場舉行，圈中不少好友出席支持，而林寶玉、姚正菁除撐場外，菁菁更首度公開獻唱，寶玉自製Fans牌成為今次演唱會焦點！

《大AL的音樂歷程》演唱會日前在數碼港商場中央表演場舉行。

姚正菁首度公開獻唱。

大AL上台時，好友台下不斷歡呼拍掌，一連唱出多首金曲《Golden Slumber》、《 One day》等，台下觀眾掌聲如雷，氣氛非常熱烈。騷後大AL都感謝各方好友支持舉行個唱：「全靠今次主辦 Sam 哥、資深音樂人粉哥精心製作及策劃，得到多方好有鼎力支持！特別係菁菁做嘉賓，真係估唔到佢初達台版表現非常出色、唱得咁好，除咗演戲之外唱歌都非常了得！其實去到依家呢啲年紀，開騷都似係朋友聚會，大家見吓面重要啲！」

姚正菁

早前透露正上堂學唱歌嘅姚正菁，當日狀態滿分，首度公開獻唱《親密愛人》成為全場焦點：「出場前我緊張到震晒，我都好擔心唔知大家咩反應，依家感受到上台嘅樂趣，我應該會更加鍾意唱歌，亦都明白老師之前教我嘅小技巧！我問寶玉畀幾多分我，佢懶神秘唔講，不過要經理人夠嚴格先有進步嘅空間！」

寶玉為菁菁自製Fans牌。

而同場的林寶玉就表示早前二人前往新加坡拍攝，為即將派台新歌拍封面照：「我都乘機影啲靚相，因為其實我稍後時間會經理人、藝人兩邊走，不過詳情就梗係賣個關子先，所以我都要準備做運動，準備以最佳狀態去見人！」佢就話呢日姚正菁表演超出佢預料之外，大讚對方係「被愛情耽誤」嘅歌手。

林寶玉、姚正菁

林寶玉（Connie）日前為亞洲心動娛樂節目擔任評判總監，為該項目選拔女團成員。據悉，今次活動一共招募12位女團成員，並計劃正式出道成為藝人，活動不設年齡限制，以才華先行。

林寶玉日前為亞洲心動娛樂節目擔任評判總監。

林寶玉透露部分參賽者相當有質素，但亦有部分表現相當「出人意表」，令她面試時要強忍苦笑：「有啲參賽者事前冇乜準備，表現上都只得一半水準，過程仲有好多dead air時間。不過我好欣賞佢份勇氣，佢反問我覺得佢表現成點，最後仲話希望大家可以喺女團見到佢嘅表現。好彩我經驗豐富，呢啲場面先唔會尷尬到唔識答！」

林寶玉

今次活動專為選拔女團而設，曾擔任選美評委的林寶玉，對出任評判總監信心十足：「今次活動雖然不設年齡上限，本來都諗住擴闊年齡層，但嚟面試大多係十幾歲少女，感覺幾『新鮮』。當然年紀唔係問題，最緊要可以展示女團嘅活力同生氣；選美女團始終有啲唔同，選美睇言談、舉止同形象，女團就最睇舞台爆發力。」

林寶玉

面對一眾年輕參賽者，林寶玉笑言被新世代「潮語」難倒：「Gen Z 嘅潮語真係未必明！有個參加者話自己曾經出道做『日系地下偶像』，我真係唔識，仲問佢係咪即係識講日文？原來意思類似『地下樂隊』，即係唱日文歌、跳日系舞嘅少女，但唔喺公開主流場合表演，呢個詞真係令我大開眼界！」

林寶玉

林寶玉