陳庭欣甩拖後即傳姊弟戀！與27歲曾錦燊甜蜜拍片

現年38歲的2010年港姐冠軍陳庭欣（Toby）今年初宣布與「10億男友」楊振源（Benny）和平分手，結束長達8年的感情。回復單身後，Toby的感情生活一直受到關注，早前更被指已搬離兩人的九肚山愛巢，返回黃大仙約500呎的住所。

Toby今年初宣布與「10億男友」楊振源（Benny）和平分手

早前她出席活動時亦自爆，曾經見過由「金牌媒人」林盛斌（Bob）介紹的幾位男生，可惜暫時仍未有着落，更笑言：「阿Bob冇理我啦，哈哈！冇再Send嘢過嚟。」

雖然被外界形容為「豪門夢碎」，但Toby似乎完全沒有被失戀影響心情，反而繼續積極工作。近日她更與27歲《東張西望》「男神」曾錦燊（Charles）一齊拍攝餐廳宣傳片，兩人互動超甜，瞬間再度引起姊弟戀傳聞。

近日她與27歲《東張西望》「男神」Charles一齊拍攝餐廳宣傳片

不過，Toby之前已澄清兩人只是相識多年的好朋友及工作夥伴，今次亦是為工作合作。但睇番宣傳片，兩人的CP感確實相當強。

片中Toby與曾錦燊齊齊穿上棗紅色情侶裝，一登場已經相當有「情侶Look」感覺。

棗紅色情侶裝登場

Toby笑問：「嚟旺角做乜先？」曾錦燊就即刻冧爆回答：「請你食飯囉，平時教我咁多嘢。」Toby聽完即表現出姐姐氹細路的可愛一面，伸手摸摸對方個頭，更大讚：「咁好，你終於生性啦！」

未幾，曾錦燊更加豪氣表示要滿足Toby所有願望，令Toby即場擺出心心手勢，畫面甜到漏。

兩人之後一齊到茶餐廳食飯，介紹各款美食期間互動頻頻，曾錦燊更親自餵Toby食甜品，成個畫面非常有CP感。

成個畫面非常有CP感

Toby事後亦在社交平台留言：「😭 有啲人終於大個仔啦，識諗啦，請我去食好西🍗🥩🍜」

兩人雖然口味各有不同，Toby就鍾情菠蘿油、西多士，而Charles則喜歡沙嗲牛，但一樣食到風生水起，更笑言餐廳可以「滿足晒所有人嘅食慾」。

Toby雖然目前感情仍然未有着落。不過睇住佢同嫩口「東張男神」曾錦燊咁有默契，單身歸單身，桃花話題就似乎從來冇停過。

藝人陳庭欣（Toby）日前到新城廣播接受李有毅（Ben）與兒子李國煒（Benson）主持的《Ben同Benson『Chur』到行》錄音訪問，去年宣布與拍拖8年的富商男友楊振源（Benny）分手的Toby，親口承認至今仍未完全走出情傷，更自爆聽歌時會忍不住流淚，明顯對舊情難以釋懷。

陳庭欣（Toby）接受新城廣播《Ben同Benson『Chur』到行》錄音訪問。

Tobt接受李有毅（左）、李國煒（右）訪問。

Toby在節目中大方談及感情生活，毫無迴避：「依家嘅感情生活其實所有人都知，真係好公開，依家係處於單身狀態，我係去年年底分開嘅，到依家都有四、五個月時間。」她坦言分手後的心情並非完全沒有影響：「你話心情會唔會完全100%冇事？係唔會嘅。」

Toby同時選播了《總會有人》這首歌，並分享自己第一次聽到這首歌的經過：「有一次坐朋友架車，佢都唔係故意播畀我聽，佢喺playlist播咗呢首歌，我問佢首歌叫咩名，我覺得呢首歌嘅歌詞好好。」她續說：「可能呢個人唔啱，總會有呢個人出現，未必係早出現，可能係遲出現。」她更自爆：「嗰時我聽住都會流淚，所以好鍾意呢首歌。」

Toby分手五個月仍未走出情傷。

自爆聽《總會有人》淚崩。

談到回復單身後的生活，Toby表示現在多了自己的時間：「有啲人話拍拖時時間少咗，但你收工或者放假，點都會想同另一半過，陪住佢，但依家就唔使喇！」被問到是否覺得輕鬆、自由了？她稱：「都可以話係輕鬆咗、放鬆咗，仲多咗自己諗吓鍾意做乜嘢。」

分手後的Toby重新思考自己真正的喜好，發現原來一直喜歡打拳：「之前我放低咗一段時間，其實我之前有學過。」而最近又愛上新興的運動匹克球，更與關楚耀成為運動拍檔，遠赴北京參加國際賽事，藉以寄情運動和工作治療情傷。

Toby用歌詞寄語自己「總會有人出現 可能遲啲」。

詳細節目內容，請留意5月9日，晚上11時–凌晨1時，新城知訊台《Ben同Benson「Chur」到行》，網址：https://www.metroradio.com.hk/superhome/