側田宣佈將於今年10月30及31日（萬聖節前夕），於西九文化區安盛竹翠公園舉行兩場戶外露天音樂會「側田 2026《再一起 COME TOGETHER》 - 萬聖節香港站」。
側田將於今年10月30及31日舉行兩場戶外露天音樂會。
近年定居泰國，上一次於香港舉行個人演唱會已經是2022年，對於相隔四年再次於香港開show，側田坦言：「好耐冇見香港嘅歌迷，今次真係好期待，心情有啲緊張，但係更多係興奮。」今次音樂會他特別選址室外場地，他解說：「之前多數喺室內場館開，今次想試吓唔同感覺，喺海邊吹住風唱歌，望住成個維港景，成件事好Chill、又有氣氛，係兩個完全唔同嘅feel。」
點擊看圖輯
側田將於今年10月30及31日舉行兩場戶外露天音樂會。
側田
側田又指這個show絕對是香港獨家，「今次想集中火力、將所有心機擺晒喺呢度，做一個有質素嘅表演，make sure每個細節都做到最好，畀入場嘅歌迷睇到最好嘅一面。」由於開Show當日是萬聖節，側田特別呼籲入場歌迷齊齊配合Dress Code，扮鬼扮馬入場，「難得萬聖節開show，想同全場歌迷一齊玩，將成個area變做Halloween party！」
側田
除了裝扮，歌單方面當然不少得樂迷耳熟能詳的「田式情歌」，絕對是滿滿的回憶殺。今次每一位觀眾更可憑演唱會門票換領一杯酒精/非酒精飲品，等大家可以同側田一齊high住過Halloween！
側田
側田
AXA呈獻：「側田 2026《再一起 COME TOGETHER》 - 萬聖節香港站」購票資料：
滙豐Mastercard優先訂購：9月9日 - 9月11日
公開發售：9月16日
購票平台：Klook
繼《快照》找來Jay Fung馮允謙作曲後，Jason陳柏宇全新單曲《尚有愛的資格》邀請到側田為自其譜曲。除邀來重量級作曲人外，填詞方面則由曾合作《不愛無壞》的填詞人Oscar執筆，再度與 Jason 創作出另一首關於「愛」的作品。
Jason推出全新單曲《尚有愛的資格》。
主動向側田邀歌 大讚側田旋律：「有屬於佢自己美學喺入面！」
這次合作也達成了Jason一直以來的心願——邀請側田為自己寫歌。Jason示：「其實一直都想搵側田作首歌畀我，但我之前一直覺得未有呢個資格去搵人寫歌。」直到去年，Jason鼓起勇氣主動向側田邀歌。他笑言過程其實非常直接：「有一日喺WhatsApp send咗個message畀側田『可唔可以作首歌畀我呀？』成件事就係咁簡單。」
Jason陳柏宇
Jason提到自己向來十分喜愛側田的作品，特別是旋律部分；而最近聽得最多的一首，則是側田去年推出的《OldBoy》：「我覺得呢首歌好有味道，聽得出佢（側田）當時諗緊啲乜嘢。」對於側田為自己創作的旋律，Jason大讚：「雕花有雕花嘅好，但呢首歌雖然簡單，要演繹得好卻一啲都唔容易，喺入面你會感受到佢嘅真摯。」此外，Jason認為側田的旋律獨具一種難以言喻的專屬美學，值得樂迷細細品味。
Jason陳柏宇
新歌呼應舊作《沒有吻的資格》 Oscar：「呢首歌好合乎Jason嘅人設」
至於歌詞方面，填詞人Oscar透露當初收到要呼應《沒有吻的資格》的要求後，便聯想到Jason在日常生活中，對家人和身邊人都充滿著「愛」。於是他決定以《沒有吻的資格》中，當年那個認為自己沒有愛人資格的男孩，在經歷各種事情後成長的故事，作為這次《尚有愛的資格》歌詞的主軸：「因為睇到Jason嘅IG對屋企人同身邊人都好loving，所以我諗呢首歌都好合乎佢嘅人設。」
Jason陳柏宇
邀良少、Yanny任男女主角 導演吳肇軒：「啲人話良少演技underrated」
而MV方面，則找來曾為Jason製作演唱會花絮的吳肇軒執導，並邀請良少@JFFT及Yanny劉綺婷@Lolly Talk擔任男女主角。談到選角，導演吳肇軒表示邀請良少，是因為先前恰巧在良少自己填詞的作品中，感受到了與這次歌曲貼合的愛情觀：「如果可以令觀眾連結到，都會係一種增加共鳴同意義嘅感覺。」
MV劇照
MV劇照
MV劇照
不過最主要的原因，吳肇軒笑言：「係有人話佢（良少）演技underrated，所以想拍佢！」至於女主角Yanny，吳肇軒則透露自己想像中的MV女主角需要十分完美，同時兼具溫柔與堅強，剛好讓他聯想到Yanny 非常符合這個人設，因而促成了這次的陣容。
MV劇照
MV劇照
MV劇照
Jason大讚MV班底 吳肇軒望延伸歌的意義
Jason看完MV後亦大讚：「我覺得良少同Yanny演得好好！吳肇軒作為導演都好有才華，我睇完MV覺得好refreshing！」吳肇軒表示聽歌後聯想到一個關於拾取果實的故事：「歌入面好重要嘅一點，係每個人都有愛同被愛嘅資格，MV講述男主角好自卑，如果走入森林只能夠揀一朵花，會發生咩事呢。」良少飾演的角色獨自走入叢林，挑選自己心儀的一朵花，最後他遇到了一朵白色桔梗花，象徵著「兩人之間的愛是純潔且恆久不變」，極為浪漫。吳肇軒希望藉此MV將《尚有愛的資格》中關於「愛」的主題延展，帶出人即使身處痛苦之中，依然能繼續活著，等候那個愛自己的人出現的機會。
Yanny、Jason、良少
吳肇軒、Jason
Jason陳柏宇新歌《尚有愛的資格》已於各大串流平台上架，MV亦已上傳至YouTube Channel，除要聽歌享受Jason與側田的聯手之作以外，僅記要觀看MV，欣賞演員們的演技及感受導演吳肇軒在MV中埋藏的意義與巧思。
觀看相關影片按連結：https://youtu.be/mOzy7EvISNQ
