娛圈事
「金牌司儀」林盛斌（Bob）於日前（9月24日）迎來47歲生日，一向將家庭放第一位他，在生日當日晒出一家六口慶祝的溫馨合照，可見壽星公Bob被太太黃乙頤及4名寶貝仔女包圍，他雙手捧著生日蛋糕，並對鏡頭做出鬼馬的表情，畫面幸福有愛！
View this post on Instagram
Bob亦分享了自己的生日願望，「47歲了。今年嘅生日願望，1）BOBMAN搏命先生世界巡迴棟篤笑，站站順利，叫好叫座；2）女神配對計劃2，好收視，好口碑，3）都係繼續嗰六樣嘢：有幸福家庭、有真摯朋友、有美滿事業、有豐盛財富、有健康身體、有精彩人生！多謝每一位嘅生日祝福，在心中。」不少圈中好友和網民都紛紛留言送上生日祝福，祝願Bob家庭美滿、事業兩得意！
林盛斌IG圖片
林盛斌IG圖片
林盛斌一家六口
林盛斌一家六口
TVB 娛樂訪談節目《一周星星》，明晚（9月13日）9點半翡翠台播出。今集主持王鎮泉走出錄影廠，戶外訪問「金牌媒人」林盛斌（阿Bob）與「帶貨女王」陳嘉佳（細細粒），大談《老表，你好Hea！》經典場面背後不為人知的秘密，並為阿Bob全新個人世界巡迴棟篤笑《BOBMAN搏命先生》宣傳。
阿Bob與細細粒喺《老表，你好Hea！》嘅演出超爆笑。
王祖藍隔空現身分享拍《老表，你好Hea！》趣事。
「自助餐」戲成集體回憶
講到2014年《老表，你好Hea！》中郭寶（林盛斌飾）與Vivienne（陳嘉佳飾）馬拉松式吃自助餐經典一幕，至今仍是網民集體回憶。阿Bob笑言：「呢場戲係從來無間斷喺我同佢（細細粒）嘅生活圈出現緊，我諗總瀏覽量一定唔知過幾多億。叫Vivienne嘅女仔係會好主動走埋嚟同我講，『你好，我叫Vivienne，幾時同我食自助餐』。」當年在酒店拍攝這一場戲的圓枱，更被命名為「Vivienne枱」，足見經典程度。細細粒更自誇：「我覺得自己好勁。」而成就這一幕經典誕生的王祖藍亦隔空邀功：「佢哋兩個CP值非常之高」、「嗰段我自己寫」、「到今日啲人仲轉發緊呢段」。
大家傾得好開心。
細細粒大講拍咀戲幕後秘密。
「拔罐咀戲」幕後秘密大公開
節目亦重溫另一段經典畫面「拔罐咀戲」，阿Bob坦言當時拍得「肉緊」：「佢哋（編劇）寫嘅時候已經寫晒成個畫面出嚟，咁我哋做嘅時候就肉緊啲，真係錫到口水鼻涕齊晒。」當被問到是否一個好Kisser？阿Bob笑言：「我錫嘅時候感覺到你（細細粒）都係有少少歷練，先至會錫得到嗰種效果。」豈料細細粒自爆驚人秘密，更語出驚人：「我感覺到你係有禮貌嘅錫，我以為你條脷會伸入嚟嗰啲。」引起全場爆笑。
阿Bob家人隔空現身爆料。
李思捷分享《玩嘢王》趣事。
細細粒自爆「唔要面」求介紹
提到「金牌媒人」稱號，阿Bob曾幫助不少圈中人覓得真愛。細細粒自爆曾主動找過阿Bob介紹對象：「我自己都好唔要面Send訊息畀佢，其實有冇人可以介紹吓？」阿Bob坦言有出盡力幫忙：「我有將佢嘅相或者故事話畀我身邊，我覺得有機會可以撮合嘅朋友去交代吓，有時緣份未到就未到啦！」而細細粒亦公開擇偶條件，要求非常簡單：「唔好有老婆，其他就冇乜。」
《玩嘢王》婚禮救場成經典
在「獨家考古」環節，重溫李思捷在綜藝節目《玩嘢王》扮飲醉酒大鬧婚禮經典場面。阿Bob透露當中不少難忘事，笑言：「嗰一年我做婚禮司儀都唔少。」節目中，阿Bob老婆黃乙頤及子女隔空深情告白兼爆料，令阿Bob哭笑不得。想知道阿Bob與細細粒笑中有淚的爆笑故事，就要密切留意今晚播出的《一周星星》。
