灣仔跑步群組夜闖行人路捱轟 網斥當私家跑道：要成條街就晒你哋！

路跑熱潮下，有跑友慣於結伴在鬧市練跑。日前網民發文批評一批跑手在灣仔行人路集體衝過，形同將公共行人路當作「私家跑道」「為咗打卡，要成條街嘅人就晒你哋」，更斥其為打卡而無視他人，帖文隨即引發熱議。

網上圖片

社交平台上流傳的影片所見，數十名跑步群組參加者晚上相約在港島集體跑步，同行有攝影師陪同拍攝。眾人由灣仔修頓球場對出的軒尼詩道過馬路，及後在行人路於其他市民之間穿插，期間有跑手對鏡頭「擺pose」。一行人及後跑往灣仔海濱，最終返回市區「衝線」。

期間有跑手對鏡頭「擺pose」。網上圖片

有網民在社交平台Threads引用該影片發文，對跑步群組在繁忙市區行人路上跑步表達不滿，反問：「香港人成日笑廣場舞大媽霸佔公共空間、騎劫寧靜環境自High，咁呢班跑步X又有咩分別？」他指該批跑手明知灣仔一帶行人路空間狹窄，卻「仲要一大班人一齊衝過去」，「將鬧市行人路當正自己私家跑道」，認為他們「為咗自己威、為咗打卡，要成條街嘅人就晒你哋。講到尾，都係冇同理心」。

網上圖片

網上圖片

帖文一出，引來網民兩極反應。有網民認同樓主觀點，質疑路線選擇本身已有問題：「點會簡呢條路黎跑，要跑去海傍都搵條好啲嘅路線」、「一係就去公園運動場，一係就夜啲等條街無咁多人啦」。亦有人從跑步動機出發批評：「真係鍾意跑步嘅，點會揀人多灰塵又多嘅大馬路跑，呢班人想威想打卡想show身材show生活態度show自己有幾chill有幾與眾不同。」有留言提到類似情況並非孤例：「成日有啲跑會，成百幾二百跑友霸晒條路，成班大遷徙咁。」亦有本身是跑手的網民表示：「我都係跑步人，但呢啲一大班人擾人又為(打)卡行為真係令人討厭。」另有網民認為這類跑手「鍾意到處show off，都係想玩Hyrox，不過有啲負擔唔起。」

網上圖片

另一邊廂，亦有網民為跑步人士護航，認為實際影響有限：「晚上行人稀疏，跑步又冇聲，其實阻街都係好輕微，幾秒時間好短，可以包容。」有人雖認同跑手在市區跑步需顧及其他道路使用者，但反對以廣場舞大媽作類比：「喺市區跑步都係要顧及其他道路使用者，但用廣場大媽去相比就好牽強，廣場大媽何只係佔用公共空間，佢哋騷擾人嘅時間唔會係得嗰幾秒，仲要大大聲播住娘到爆啲歌。」

香港人對甜品向來有一份執着，既要過口癮，又不想吸入太多糖份，因此「唔算好甜」幾乎成為本地食客對甜點的最高評價。不過正所謂「唔怕生壞命，最怕改壞名」，近日有網民發現，一間日式連鎖麵包店竟然為經典法式甜品「可麗露」改了一個令人聞風喪膽的名字，旋即引起大批網民熱烈討論。

有網民發現，一間日式連鎖麵包店竟然為經典法式甜品「可麗露」改了一個令人聞風喪膽的名字「卡露里」。網上圖片

示意圖。《愛回家》劇照。

事緣有網民經過該間日式連鎖麵包店時，發現店舖竟將法式經典甜點「可麗露」寫成「卡露里」，並拍下照片放上網，隨即引起關注。從發文者上傳的照片中可見，麵包店的餐盤上尚有4個可麗露，惟官方標示牌上則寫着「卡露里」，英文則寫作「Cannele」。

網上圖片

翻查資料，可麗露的法語為「Canelé」，是一種源自法國波爾多地區的經典法式甜點，更有「天使之鈴」的美名。有網民就力撐麵包店的寫法，直言「咁其實Canelé本身個法文讀音，廣東話係似卡露里多過可麗露嘅」，認為店方的譯法其實更貼近原文發音。

有網民就力撐麵包店的寫法。網上圖片

不過，真正令一眾網民「笑到碌地」的，是「卡露里」與一眾Keep Fit人士避之則吉的「卡路里」同音，這個巧合隨即引爆留言區。有人揚言「依個先係真名」、「咁都係卡路里嚟嘅」、「食左就係卡路里，又無錯」，亦有人從實際角度出發，指「咁佢又真係肥嘅，細細粒已經百五卡路里左右，隨手飲茶飲咖啡食都起碼兩粒，千層蛋糕一件先三百幾四百卡」，直言這個名字其實相當寫實。

設計圖片

亦有人笑稱自己原本打算入手，但看完名字即刻卻步，「我都有影過佢，本身見last one 想買，睇完個名即刻放低唔想買」；更有人打趣道「見到個名都仲敢食的就係勇者，一啖食咗啲卡露里佢」。