方東昇、黃曉瑩及李嘉嘉再度攜手炮製的《醫生，你有病？》，逢周一至五晚九點半翡翠台播映。
到底趙偉仁應唔應付到手術室以外嘅機械臂呢？
長年累月嘅機械臂操作，令趙院長關節提早退化。
今晚（10月7日）播出的第三集，個案醫生是中大醫學院院長趙偉仁。院長出身「醫護世家」，爸爸是醫生，媽媽是護士，院長的另一半又是醫生，這個「醫家」原來有本難唸的經。
點擊看圖輯
到底趙偉仁應唔應付到手術室以外嘅機械臂呢？
長年累月嘅機械臂操作，令趙院長關節提早退化。
機械臂操控訓練過程精準極致。
趙偉仁熱衷打網球令佢埋下「網球肘」舊患。
喺唔同日子嘅拍攝，趙偉仁不停收到電話同訊息，講嘅全部係公事。
趙偉仁喺節目中提到同兒科醫生太太，點樣面對子女嘅健康問題，原來佢哋會比一般人更大壓力，究竟點解？
趙偉仁回應外間對佢嘅「誤解」，又道出作為院長嘅局限。
趙偉仁對媽咪照顧無微不至，除保留固網電話作為媽媽的專屬熱線，五年前還貼身陪伴媽咪力抗子宮癌。
趙偉仁笑言醫生父親是最難搞病人。
趙偉仁認為醫生陪打爛牌對病人十分重要。
方東昇團隊真係好有趣！
機械臂操控訓練過程精準極致。
趙偉仁熱衷打網球令佢埋下「網球肘」舊患。
趙偉仁院長是上消化道外科權威，平時也會親自替家人照腸胃鏡，原來院長自己都怕照腸胃鏡，背後有個特別原因：「我們會覺得做鏡後，好像不單外表，體內都被看通透，自己都會不太舒服。」院長如何解決這個「照鏡」煩惱呢？節目會公開院長這個有趣的小秘密！院長又透露自己腸胃向來不錯，但吃飯節奏完全不及格：「我哋食嘢唔定時唔定候，食嘢時要快，因為你永遠唔知下一個Call係幾時，有得食就盡量食啦」、「其實每次病人嚟我都講：『希望你能夠食嘢慢啲』，因為咁樣對胃嘅健康比較好，但自己就做唔到。」
趙院長亦是香港內鏡機械人先驅，方東昇團隊特意帶趙偉仁「夾公仔」，看看換了另一種「機械臂」，院長能否同樣完成任務，公仔手到拿來？院長平時為鍛鍊自己操作機械臂做手術，會用機械臂畫畫，這位嶺南畫派大師趙少昂的弟子即席挑戰用機械臂畫螳螂，不用畫筆，能否照樣令螳螂躍然紙上？一筆一畫，一絲不苟，趙偉仁對精準的執著，背後是醫生的責任感及對病人的關愛，趙偉仁：「筆法如果錯咗或者亂咗，你可以換咗張紙再做過，但人嘅生命唔得，所以每次表現都要最好。」
喺唔同日子嘅拍攝，趙偉仁不停收到電話同訊息，講嘅全部係公事。
趙偉仁喺節目中提到同兒科醫生太太，點樣面對子女嘅健康問題，原來佢哋會比一般人更大壓力，究竟點解？
趙偉仁回應外間對佢嘅「誤解」，又道出作為院長嘅局限。
貼身陪伴爸媽抗病
趙偉仁小時候經常生病，要醫生爸爸及護士媽媽合力照顧，長大後反過來當爸媽的家庭醫生，兩位病人性格截然不同。趙媽媽是事無大小頻密匯報的「依賴型」，已離世的趙爸爸則是「權威型」。由於趙爸爸既是病人亦是醫生，甚有主見，不時自行換藥或調整藥量，令腎病惡化，趙院長很頭痛：「就算你喺屋企，你著住白袍，佢都唔當你係一個醫生，我哋兒子嘅角色好難，當你同佢講話『死』，他就會話『你咒我死呀？』」、「醫生病人係最難搞，爸爸係病人又係醫生就更加難搞。」
最終2023年，趙爸爸因併發嚴重肺炎步入人生倒數階段，一直陪伴在側的趙偉仁同樣無力，因而深刻體會年輕醫生面對死亡時的茫然與無助，趙院長說：「醫生唔係神，醫生唔能夠令個病由末期變早期，等於打啤牌或者麻將，其實你開咗牌先知個牌有幾爛，幾爛嘅牌我哋都覺得要打落去，但做醫生就係陪病人打呢副牌。」
趙偉仁對媽咪照顧無微不至，除保留固網電話作為媽媽的專屬熱線，五年前還貼身陪伴媽咪力抗子宮癌。
趙偉仁笑言醫生父親是最難搞病人。
黃曉瑩「笑唔停」獲讚可愛真性情
昨晚（6日）一集，方東昇團隊採訪港大醫學院院長劉澤星時，方東昇突然幽默爆出一句「好人上天堂」，即令拍檔黃曉瑩笑唔停，並「訓話」方東昇：「你唔好亂講嘢啦好唔好」，院長則勁隨和回應：「冇所謂架，冇所謂架！」黃曉瑩的真性情，旋即獲網民大讚可愛，網民又盛讚方東昇團隊這種訪談手法可拉近與受訪者的距離，令互動更精彩：「最後嗰一分鐘，黃曉瑩係咁笑唔停」、「好可愛」、「黃曉瑩突然間好大反應，好好笑」、「嗰種互動好似識咗好多年嘅朋友」。
趙偉仁認為醫生陪打爛牌對病人十分重要。
方東昇團隊真係好有趣！
今晚一集，黃曉瑩將再度發揮率直爽朗本性，當趙媽媽談及趙氏父子醫學觀點大對決往事、點出趙院長作為「醫生兒子」的難處：「有次爸爸有好多問題，佢哋又意見唔同，終於佢（阿仔）講咗一句：『我係教授，你係醫生，我依家唔同意你咁講！』」時，黃曉瑩先是追問：「你喺側邊由佢哋自己解決？」趙媽媽：「我唔可以加意見架！」黃曉瑩聞言即幽默神總結：「醫生講嘢，護士唔好插嘴？！」氹得趙媽媽開心回應：「啱喇！」轉數快又識氹人，難怪有網民建議方東昇團隊可考慮開棟篤笑。
