2023年震動全港的名媛蔡天鳳碎屍案，死者前夫、前家翁及前大伯被控謀殺及阻止合法埋葬屍體罪。案件星期五（10月9日）續審，蔡天鳳母親張燕花原訂繼續接受辯方盤問，惟暫委法官祁彥輝向8男1女陪審團表示，今日有法律議題需時研究及裁決，故需押後案件至10月12日續審。
蔡天鳳母親張燕花。巴士的報記者攝
鄺港傑、鄺球、鄺港智同被控1項謀殺罪及1項阻止合法埋葬屍體罪。控罪指3人於2023年2月21日，在大埔汀角路龍尾村56B村屋地下內謀殺女子蔡天鳳，並在2023年2月21日至23日期間，於同地阻止合法埋葬蔡天鳳的屍體。
蔡天鳳。IG圖片
三人否認謀殺罪，鄺港傑及鄺港智承認阻止合法埋葬屍體罪，鄺球則不承認阻止合法埋葬屍體罪。
蔡天鳳繼父蔡楚生。巴士的報記者攝
案件由原訟庭暫委法官祁彥輝（Brian Keith）審理。控方由外聘資深大律師郭莎樂（Charlotte Draycott）、高級助理刑事檢控專員梁育珩、高級檢控官林曉敏與檢控官尹培軒代表。鄺港傑由大律師Trevor Beel 代表，鄺球由大律師戴偉奧（Oliver Davies）、羅天祺代表；鄺港智則由大律師安華暉（Andrew J. Raffell）代表。
左至右：鄺港傑、鄺球及鄺港智。資料圖片
案件編號：HCCC198/2025
2023年震動全港的名媛蔡天鳳碎屍案，死者前夫、前家翁及前大伯被控謀殺及阻止合法埋葬屍體罪。案件星期四（10月8日）下午續審，代表鄺球的大律師戴偉奧續盤問證人蔡天鳳母親張燕花時指出，鄺球在內地做生意賺的錢曾給蔡天鳳投資，另出資一半購買加多利山物業，蔡天鳳從來並無付錢給鄺球。張燕花聞言即反駁：「我絕對唔同意，嘩！使咗又話無畀，鄺港傑借幾多次錢又話冇！」，質疑辯方此說法「同殺人有咩分別？」。
張燕花（中）。巴士的報記者攝
戴偉奧指，蔡天鳳每月開支約50萬元。張燕花回應，約26萬元用作支付加多利亞單位的家庭開支、子女費用及食材，包括兩名司機、兩名女傭及管理費等。就曼克頓山單位的兩次按揭（分別約1,000萬元及400萬元），每月供款約5萬元，張燕花表示，不知女兒的按揭詳情。
戴偉奧再指，蔡天鳳有兩名同母異父的妹妹，於2019年到英國就讀寄宿學校，每月至少花10萬元，由蔡天鳳支付。張燕花否認，並指「唔好咁樣冤枉我同蔡生」，指當時是由丈夫蔡楚生寄錢應付女兒留學開支，「有生意賣咗，就係畀細路仔讀書囉」。張燕花強調，女兒「自己唔係好大使，都係畀呢班畜生多」。
蔡天鳳。IG圖片
張燕花其後望向被告欄方向，指「你問鄺港智攞幾多啦！全部同呢個鄺球話做生意做生意，唔知攞曬啲錢去邊，呢啲我最清楚㗎啦」。被告欄內的鄺港智神情平靜。
戴偉奧問及，張燕花是否知道蔡天鳳丈夫譚方駿沉迷賭博，張燕花稱：「佢有時打下麻雀，我感覺佢都係玩下㗎啫。」她承認，知道譚方駿與蔡天鳳於2021年曾到過澳門，並指「唔係Abby賭，係疫情時阿駿玩吓」。
戴偉奧又指，譚方駿在澳門借了500萬元全數輸光，當時蔡天鳳為擔保人。張燕花指，當時「譚爸爸還咗」。至於兩人回港後，收數公司仍滋擾譚家，張燕花否認有嚴重情況，指賭場已結業，後來有人致電女兒，女兒不想麻煩，就想辦法聯絡對方，最後有還錢。她強調「人哋一搵到即刻還㗎啦」。
戴偉奧指，譚父曾尋求鄺球協助（因鄺球曾任警察）。張燕花表示不知道，亦指女兒從未提及鄺球有幫忙。戴偉奧指，是否知道鄺球在此事亦有損失金錢？張燕花回應，「譚老爺話鄺球搵佢借錢」，只知道「譚老爺話還咗，親口話呢個錢係幫阿駿（譚方駿）還」。
戴偉奧再指，當時譚父付錢，是因為蔡天鳳無力支付。張燕花表示沒有，是因為「老爺講阿駿唔想煩姐姐（蔡天鳳）」。
左至右：鄺港傑、鄺球及鄺港智。資料圖片
戴偉奧再就加多利山單位登記業主一事提問。張燕花日前供稱，女兒把單位登記在鄺球名下，是因為想避免支付 900 多萬元印花稅，而且方便鄺球「走嚟走去」。戴偉奧再指，蔡天鳳其實可以把加多利山單位登記在張燕花名下？張燕花回應指「一直都係咁樣，大家商量好，投資㗎嘛，畀我做咩？」
戴偉奧再指，以此方法避稅屬違法。張燕花回應指「呢啲我真係唔知，阿囡咁樣決定」。戴偉奧追問，蔡天鳳及鄺球可因此而坐監，屬刑事罪行，更要支付 3 倍印花稅？張燕花回答：「呢啲我唔知啦，之前大家好好，阿囡對佢信任，微信都講咗，佢攞唔走㗎」、「呢啲係阿囡決定」。
蔡天鳳繼父蔡楚生。巴士的報記者攝
戴偉奧另指，鄺球在過程中沒得益。張燕花反駁指，平時負擔他的生活費，鄺港智稱要做生意，「攞成7,000幾萬，成家都知道」。戴偉奧再指，蔡天鳳並無付錢予鄺球，張燕花即反駁「我絕對唔同意，嘩！使咗又話無畀，鄺港傑借幾多次錢又話冇！」
戴偉奧指出，鄺球其實有付錢購買加多利山單位。張燕花回應稱「叫佢攞出證據吖嘛，你電視百幾蚊都未出過呀，即係裝 Wi-Fi 啲呀，全家都出糧畀錢照顧呀，聽佢講！」
戴偉奧續稱，鄺球做生意後，亦會給錢予蔡天鳳投資。張燕花即反駁：「哇！你同殺人有咩分別？冇證據，億幾買呢層樓，俾個仆X攞埋啦，有證有據！」
大律師戴偉奧（中）代表鄺球。資料圖片
戴偉奧再指，即使鄺球簽署加多利山單位的授權委託書，但亦可隨時取消。張燕花稱，女兒曾引述律師指可隨時取消，「阿囡話3個月內賣唔出就轉名，呢啲佢全家都知道！」
戴偉奧續指，鄺球曾付一半錢購買加多利山單位。張燕花再否認，指由女兒蔡天鳳支付，「你話鄺球買咁多，全部嘅錢都係阿囡，從來鄺球都話唔到事嘅，你係正常人都識諗啦」。張燕花又指，女兒曾稱轉名要付數百萬元，「不如平啲賣畀人，百幾萬架車30萬就賣，完全想收返嚟」。
代表鄺港智的大律師安華暉盤問張燕花。安華暉指，張燕花的證供經過裁剪去配合警方，並質疑她兩晚前（即法官已下令不得討論案情後）仍與相關警員通話。張燕花回應，對方只是詢問地址，並非討論案情。
安華暉另就蔡天鳳、鄺港智的關係作盤問。張燕花指，蔡天鳳、鄺港智一起後，她當鄺港智「半邊仔」，當時鄺港智不懂海南話，但因她與蔡天鳳在家以海南話溝通，故他在17歲時跟自己學海南話，「咪就係咁好，開頭先嫁畀佢咋嘛」，形容他會「擦鞋」。
安華暉指，鄺港智跟張燕花、蔡天鳳關係親密，張燕花卻以「畜生」形容他？張燕花指，以「畜生」形容是之後的事。
安華暉再指，鄺港智當時因父親惡，搬入蔡家為「避難」，此事鄺港智多年前曾告知張燕花。張燕花稱「邊度記得，當時佢兩個有咗 BB」，她認為兩人真心相愛，又指鄺港智「好痴我哋，我行一步佢都跟一步㗎」。
安華暉指，鄺港智溫馴、被動。張燕花指他一直都很好、「把口好甜」，「嬲尾先變咋嘛，離咗婚大家都係好和平，三家人都係為咗細路仔健康長大，我哋真係冇計較佢冇錢」。
安華暉指，蔡天鳳比鄺港智大一年。張燕花稱，二人年紀差不多。安華暉續指，蔡天鳳的個性強勢，張燕花回應稱「（蔡天鳳）好講道理，佢真係好溫和、好孝順、好有愛心㗎」。
安華暉指，從蔡天鳳的對話顯示出她會表達憤怒。張燕花指，鄺家忘恩負義激怒蔡天鳳，「平時佢真係好愛錫細路仔」。安華暉質疑，張燕花再次剪裁證供，張燕花指「我第一次見到佢（蔡天鳳）咁嬲」，指她身邊的人都說她說話不大聲。
大律師安華暉代表鄺港智。資料圖片
鄺港傑、鄺球、鄺港智同被控1項謀殺罪及1項阻止合法埋葬屍體罪。控罪指3人於2023年2月21日，在大埔汀角路龍尾村56B村屋地下內謀殺女子蔡天鳳，並在2023年2月21日至23日期間，於同地阻止合法埋葬蔡天鳳的屍體。三人否認謀殺罪，鄺港傑及鄺港智承認阻止合法埋葬屍體罪，鄺球則不承認阻止合法埋葬屍體罪。
案件由原訟庭暫委法官祁彥輝（Brian Keith）審理。控方由外聘資深大律師郭莎樂（Charlotte Draycott）、高級助理刑事檢控專員梁育珩、高級檢控官林曉敏與檢控官尹培軒代表。鄺港傑由大律師Trevor Beel 代表，鄺球由大律師戴偉奧（Oliver Davies）、羅天祺代表；鄺港智則由大律師安華暉（Andrew J. Raffell）代表。
案件編號：HCCC198/2025
