由伍詠薇、李凱賢主持節目《九運會客室2》，11月3日邀得袁潔儀和寶珮如任喜賓，內容極為催淚，寶珮如回憶撞車一刻時哭成淚人：「撞車我傷咗好多骨，面骨、牙骨、鼻骨、盆骨。其實醫生話我好彩。盆骨喺撞車一下撞咗出嚟，之後衝擊力又撞返入去，如果撞唔返呢個位，可能坐輪椅。」
玄學家唐碧霞、寶珮如、伍詠薇、袁潔儀、李凱賢
寶珮如表示現時面部多處有「螺絲」鞏固、牙骨碎裂等等，伍姑娘聞言爆粗「Shit」壓驚，好友袁潔儀即使時隔多年仍然眼濕濕：「出事我去醫院睇佢，見到佢個樣，我忍唔住同佢講『Baby，我有啲急尿，我去一去廁所先。』其實去廁所喊，喊完扮冇事出去安慰佢。當時佢真係好嚴重，我哋靠樣搵食，都唔知佢未來點算！我自己都好驚，佢點啊？」
點擊看圖輯
玄學家唐碧霞、寶珮如、伍詠薇、袁潔儀、李凱賢
玄學家唐碧霞、寶珮如、伍詠薇、袁潔儀、李凱賢
李凱賢、寶珮如、袁潔儀、伍詠薇
李凱賢、寶珮如
袁潔儀、伍詠薇
玄學家唐碧霞、寶珮如、伍詠薇、袁潔儀、李凱賢
伍詠薇聞言落淚，錄影廠氣氛頓時變得沉重，Brian向眾女士遞上紙巾。寶珮如自認貪靚，為矯形進行多次手術，面部手術更長達三年時間，亦需要穿上壓力衣不能動彈：「因為你冇得急，盆骨裂骨好痛㗎！佢哋嚟探我，個個幫我做按摩，我瞓喺床度係痛到……沖涼、洗頭，咩都係瞓……我覺得好廢人！」她表示當年每隔數月需進行手術，加上醫療費用高昂，要向好友借錢度日：「我成日喊打畀佢，跟住冇錢。其實袁潔儀真係好好，我都係啱啱先知，原來當年佢畀亞視炒咗，但佢都用錢支持我！」
李凱賢、寶珮如、袁潔儀、伍詠薇
李凱賢、寶珮如
袁潔儀表示當年當時事業愛情兩失意，但靠好友堅毅性格捱過難關：「我完全以佢為鑑，我就是要靠自己起得返身！我個樣明明可以見到人嘅，佢咁堅持，我做乜唔堅持落去呀？我有手有腳，呢餐搵到我畀你，下一餐我搵得仲多呀！」
袁潔儀、伍詠薇
節目亦會提及袁潔儀與伍詠薇同屆參選亞姐，相隔三十多年再次聚頭。寶珮如與袁潔儀亦透露當年亞視奮鬥歲月，以及曾分別過檔TVB重新適應的經歷。
