Skip to Content Facebook Feature Image

蔡天鳳案|鄺港智:譚方駿本身是喜歡我的 蔡天鳳為錢與譚結婚 三人曾同睡一床

法庭事

蔡天鳳案|鄺港智:譚方駿本身是喜歡我的 蔡天鳳為錢與譚結婚 三人曾同睡一床
法庭事

法庭事

蔡天鳳案|鄺港智:譚方駿本身是喜歡我的 蔡天鳳為錢與譚結婚 三人曾同睡一床

2026年11月19日 16:32 最後更新:18:30

2023年震動全港的名媛蔡天鳳碎屍案,死者前夫、前家翁及前大伯被控謀殺及阻止合法埋葬屍體罪,案件星期四(11月19日)下午續審。首日出庭作供的蔡天鳳前夫鄺港智形容,自己和蔡天鳳、譚方駿三人關係複雜,問及是否屬三角戀,他稱當時加上女友Ivy 實為「四角戀」。他又稱,蔡天鳳再婚「因為錢」,而「Chris(譚方駿)本身鍾意我嘅,但佢屋企人想要啲小朋友,所以我哋就3個一齊囉,佢屋企人唔介意」,「佢買碗米線嚟同我示愛都試過」。他強調三人之間並無妒忌敵意、與蔡天鳳相處如「老夫老妻」,直至案發都有浪漫關係,包括性行為。

鄺港智。資料圖片

鄺港智。資料圖片

鄺港智下午繼續作供。代表鄺港智的大律師安華暉進行主問。鄺港智供稱,到內地後仍與蔡天鳳維持聯絡,幾乎每日都有數小時電話或視訊通話。問及鄺港智是否仍將自己視為蔡天鳳的伴侶,他表示,「it is complicated,it is hard to解釋」。鄺港智續指,離婚文件他沒有簽署,由蔡天鳳自己處理,但知道蔡天鳳有辦手續。

更多相片
鄺港智。資料圖片

鄺港智。資料圖片

譚方駿。資料圖片

譚方駿。資料圖片

蔡天鳳。IG圖片

蔡天鳳。IG圖片

左至右:鄺港傑、鄺球及鄺港智。資料圖片

左至右:鄺港傑、鄺球及鄺港智。資料圖片

安華暉問及譚方駿的認識過程。鄺港智表示,譚方駿是他朋友、讀書時期的同學,自己11歲時已認識譚方駿,遠早於認識蔡天鳳。蔡天鳳在和譚方駿結婚之前,曾預告他有這個打算。

被問為何蔡天鳳與譚方駿結婚,鄺港智稱是因為自己離開後,「為咗屋企囉,咁佢嗰邊都要人照顧,佢覺得Chirs(譚方駿)份人幾好吖,我都識咗好多年,覺得(譚方駿)OK」。至於得知二人結婚時的感受,他說有少許不開心,但有祝福他們,形容三人關係「complicated少少」。

安華暉再問蔡天鳳與譚方駿結婚原因,鄺港智直接回答「因為錢」,並確認是蔡天鳳這樣告訴他。對於三人份關係,他續稱,兒子W一出生,譚方駿就是兒子的「契爺」。在香港時,譚方駿曾表示希望三人一起生活,他認為不應用「朋友」形容譚方駿,而是「家人」。

鄺港智續指,蔡天鳳多次到內地探望他,至少8至10次,亦曾和譚方駿以夫妻身份共同到海口探望他,「我哋三個一起住喺Langham嗰邊,瞓同一張床」。鄺港智又指,他在廣州居住文華東方酒店期間,蔡天鳳、譚方駿帶小朋友到訪,亦是「所有人瞓一張床」。

被問直到2023年2月,鄺港智是否仍與蔡天鳳有浪漫關係,鄺港智答,「可以咁講」。

鄺港智解釋突然回港的原因。他表示,當日去了女朋友Ivy家,與她家人一起飲茶吃飯,蔡天鳳就找他。其後他不敢聽電話,蔡天鳳找了他三日三夜,叫蔡天鳳母親張燕花找遍他周邊的人,包括住他樓上的朋友,甚至叫人爆他房門。當時他人不在廣州,而在中山。

譚方駿。資料圖片

譚方駿。資料圖片

鄺港智回想,其後他向蔡天鳳坦白「我拍緊拖」,蔡天鳳問「同邊個?」蔡天鳳得知鄺港智與Ivy發展關係,原來蔡亦認識Ivy,鄺港智推斷是蔡天鳳「上Instagram個啲」認識。他補充「我唔玩社交媒體」。

鄺港智續指,隨後,蔡天鳳「就好傷心咁樣,跟住就𠼮我返嚟」,他形容蔡天鳳當時「喊呀」,因此他最終與Ivy分手,並回香港。

鄺港智另透露,在廣州定居期間多次參加飯局,另曾與友人Herman在廣州「吳系茶餐廳」及鼎泰豐等地用膳。惟自他在2022年5月28日向蔡天鳳坦白有新女友後,蔡天鳳要求他儘快回港,因此Herman在6月10日凌晨協助他整理行裝,他亦於同日乘搭「大飛」返回香港。

鄺港智確認,他於 2022 年 6 月 10 日返港;他在香港沒有工作,但本身持有積蓄。「我之前一直有匯錢返嚟,手上一直有錢,如果我需要錢,就會同Abby攞。我錶行亦都有資金,我根本唔使使咁多錢。」

安華暉繼續提問,就算蔡天鳳其後與譚方駿結婚,鄺港智仍然和蔡天鳳共同持有金錢,鄺港智同意。

蔡天鳳。IG圖片

蔡天鳳。IG圖片

鄺港智其後主動問及,安華暉較早前提問他與蔡天鳳的關係,是否當中涉及二人的性行為。安華暉回應,並非針對兩人的性關係作具體查問,但如果鄺港智認為有需要,可以補充說明。
鄺港智回應,「咁呢個法庭好莊嚴㗎嘛。」

安華暉就指,若鄺港智發表不當言論,法官會適時阻止。鄺港智隨即稱:「咁係有嘅,你話性關係嘅話。」他又補充:「我想補充返Christopher(譚方駿),你問點解佢(蔡天鳳)要同 Chris (譚方駿)結婚吖嘛。其實 Christopher (譚方駿)本身係鍾意我嘅,但佢屋企想要小朋友,我哋三個就一齊咁樣囉,佢屋企人又唔介意。」

安華暉指,他曾問譚方駿與鄺港智之間是否有戀愛關係,當時譚方駿否認。鄺港智稱:「佢買碗米線嚟示愛都試過啦,細細個因為我住黃埔花園時,佢日日都上嚟。」

安華暉形容,故鄺港智、蔡天鳳及譚方駿之間是三角關係?鄺港智表示:「可以咁講,所以咪話 complicated 囉。如果加埋 Ivy 落去就四角,我都唔想咁複雜,我冇可能捨棄啲小朋友同 Abby、Christopher。我又唔想害到 Ivy,Ivy又想同我結婚,我又俾人通緝緊,咁我就唔想咁害佢,我又掛住啲細路仔,咁 Abby 叫我返嚟,我就返嚟。」被問到返港後與蔡天鳳及譚方駿是否相處得來,鄺港智稱「相處到,咁多年都係咁樣」。

至於鄺港傑供稱,蔡天鳳經常責罵鄺港智。鄺港智形容他和蔡天鳳二人關係有如「老夫老妻」,「同埋我都習慣咁,佢唔鬧我、我反而唔慣,但我唔係話 M 底嗰隻,但係就習慣咗」。暫委任法官祁彥輝表示不明白。安華暉指應是意指「被虐傾向」。

左至右:鄺港傑、鄺球及鄺港智。資料圖片

左至右:鄺港傑、鄺球及鄺港智。資料圖片

安華暉續問,當時3人間沒有妒忌及敵意?鄺港智表示「冇嘅,咁我可能有吸引力啲,唔知佢(譚方駿)點諗,不過我諗佢(譚方駿)都冇問題,佢(譚方駿)都好鍾意我」。

鄺港智又主動提到,「我想形容一下Abby平時啲性格呀,佢係比較剛烈少少、火爆少少,我又比較柔和啲嘅,即係佢好容易嬲嘅,零到一百唔會有中間。Abby 好似點講呢,好似 angry bird 咁囉」。

主控郭莎樂補充,「angry bird」是一個卡通。鄺港智回應,「係呀,相信人人都知道咩係 angry bird」。暫委法官祁彥輝表示他不知道,應該是有「代溝」。郭莎樂遂展示一張「angry bird」的網上圖片。

鄺港傑、鄺球、鄺港智同被控1項謀殺罪及1項阻止合法埋葬屍體罪。控罪指3人於2023年2月21日,在大埔汀角路龍尾村56B村屋地下內謀殺女子蔡天鳳,並在2023年2月21日至23日期間,於同地阻止合法埋葬蔡天鳳的屍體。

三人否認謀殺罪,鄺港傑及鄺港智承認阻止合法埋葬屍體罪,鄺球開審前不承認阻止合法埋葬屍體罪,但於2026年10月30日改認罪。

案件由原訟庭暫委法官祁彥輝(Brian Keith)審理。控方由外聘資深大律師郭莎樂(Charlotte Draycott)、高級助理刑事檢控專員梁育珩、高級檢控官林曉敏與檢控官尹培軒代表。鄺港傑由大律師Trevor Beel代表,鄺球由大律師戴偉奧(Oliver Davies)、羅天祺代表;鄺港智則由大律師安華暉(Andrew J. Raffell)代表。

案件編號:HCCC198/2025

2023年震動全港的名媛蔡天鳳碎屍案,死者前夫、前家翁及前大伯被控謀殺及阻止合法埋葬屍體罪,案件星期四(11月19日)續審。控方指,鄺球為鄺港智辦電話卡、租用凱旋門單位,屬協助其逃亡的部署,又質疑鄺球在上海街購物、預租龍尾村單位供處理遺體,並非巧合。鄺球稱沒有謀殺計劃,「巧唔巧合咪見仁見智去睇呢件事囉」,又指控方「成日講話逃走返大陸,大陸啲公安拉你仲快啦,快過香港」。其後蔡天鳳前夫鄺港智首度出庭作供,稱14歲認識蔡天鳳成伴侶,與蔡母關係猶如母子,而經營鐘錶生意盈利2,000多萬,亦涉足房地產。他身在廣州時曾入住柏悅、文華東方及瑰麗酒店,費用由自己支付。

鄺球。資料圖片

鄺球。資料圖片

控方資深大律師郭莎樂問,爲何鄺球要烹煮蔡天鳳屍體?鄺球回應,「我都唔知點解,諗唔到」。郭莎樂指出親手烹煮他人屍體是複雜的一件事,質問鄺球當時為何作出有關行為。鄺球「當刻無諗呢啲嘢」。郭莎樂再次追問,為何鄺球要烹煮蔡天鳳的肉時,鄺球「自己都唔知自己做緊啲乜嘢」,更表示忘記將蔡天鳳的屍體削骨剝肉的過程。

郭莎樂指,肢解屍體過程漫長,需要將肉塊放進鍋內加水,再混入蔬菜一同烹煮。鄺球解釋,「青紅蘿蔔嚟㗎,一早煮定咗係到,用嚟餵流浪貓狗,每日嘅習慣嚟㗎」。郭莎樂質疑,龍尾村單位的廚房內有一整袋切好、未煮的青紅蘿蔔,鄺球解釋「切開就切曬佢」,方便烹煮餵流浪貓狗。鄺球被問及為何青紅蘿蔔湯內有蔡天鳳的殘肢時,鄺球回應「唔記得當時嘅情況啦」。

郭莎樂直指鄺球「講大話」,鄺球強調「冇講大話。因為自己精神都崩潰咗,自己都唔知自己做緊啲乜嘢」。

關於棄置垃圾袋,控方引述閉路電視片段,指案發翌日(2月22日)凌晨,鄺港傑駕駛車牌 VY9157的車輛,攜帶大垃圾袋前往垃圾站。鄺球反駁指並非大垃圾袋,是由他購買的普通垃圾袋。

郭莎樂引述鄺港傑早前證供,鄺港傑稱袋內裝有混着骨頭的湯渣。鄺球即指「係抌啲青紅蘿蔔嗰啲啫」。郭莎樂反駁,青紅蘿蔔不是用於餵流浪貓狗,為何要扔掉。鄺球回應「拎去垃圾站位置餵流浪狗,因為嗰個位置最多流浪貓狗出現」。

郭莎樂引述鄺港傑的證供指,當晚扔掉湯渣時見到有骨頭。鄺球認為長子記憶有誤,「可能佢記錯咗啦,我記得係青紅蘿蔔,餵狗嗰啲,所謂蔬菜啦」,又指,「平時抌嘢都係拎住嘢抌,點會打開個袋入面睇」。郭莎樂直指鄺港傑三度駛到垃圾站扔湯渣,鄺球回應「幾多次我唔知啦,唔記得咗」。

主控郭莎樂。資料圖片

主控郭莎樂。資料圖片

郭莎樂指,鄺球2月21日下午已經開始肢解蔡天鳳,並將屍體連同蔬菜一同烹煮,樓上鄰居聽到電鋸聲、嗅到烹煮氣味的證供屬實。郭莎樂質疑,鄺球在兒子離開之後,便即動手,使用預先購買的工具,按照計劃肢解及處理屍體。鄺球回應「唔係」。

郭莎樂質疑,2月21日晚鄺球召喚鄺港傑回來,叫他穿上雨衣、雨靴、面罩同手套,協助處理蔡天鳳的屍體;鄺球不同意。郭莎樂繼續指出,鄺球非但沒有保護鄺港傑,反而連累對方深陷其中,成為自己計劃的一部分,鄺球就否認,稱「冇呢個計劃」。

郭莎樂繼續提出,蔡天鳳大部分屍體於當晚被迅速處理,其後數日亦持續丟棄同類垃圾袋,鄺球表示不同意,並重申「我都話佢(鄺港傑)可能當時個精神崩潰咗,根本記啲嘢亂晒龍」。鄺球不同意提早計劃,但同意其後曾將蔡天鳳的一部分殘肢用蔬菜烹煮成湯後扔在垃圾站。

郭莎樂提到,鄺球在蔡天鳳遇害前兩星期前(2023年2月5日)租下涉案龍尾村村屋,另又租凱旋門單位。控方引述鄺球早前供稱,租用單位予情婦居住,而他的情婦當時住在銅鑼灣,而租下凱旋門的時候,鄺球情婦原在銅鑼灣的單位租約未到期。控方指,其實沒有迫切理由租凱旋門。鄺球指,「睇啱咪租囉」。

郭莎樂直指,碰巧在蔡天鳳死前租用單位,質疑他有計劃殺死蔡天鳳,他反駁「係之前租嘅,但係無殺死Abby呢啲計劃」。

郭莎樂關注,鄺球更事前把租約及鑰匙交給鄺港智,郭莎樂質疑這是方便鄺港智行凶後藏身,再搭大飛潛逃內地。鄺球解釋,是聽鄺港智說,蔡天鳳「成日對佢用...用咩字啊...欺凌嘅字眼」,所以提供單位給他落腳;至於潛逃的說法,鄺球反駁,他還押之後看新聞,才知道「佢唔係搭大飛囉,係搭游艇返大陸囉」。

郭莎樂指鄺港智以水路非法離開香港,鄺球表明「我唔同意依個講法,佢著草期間都經常落嚟香港睇下仔女」,而且多年來都自由進出香港。

郭莎樂接着提到兩張新電話卡的證據,她指出當時電話卡實名登記政策容許市民沿用原有號碼登記,毋須換卡,但鄺球仍然幫鄺港智辦理新電話卡,而該卡正是鄺港智當日準備離港時手機內使用的電話卡,屬協助逃亡的準備。

鄺球解釋,當時電訊公司只提供新號碼供揀選,「我咪揀兩個電話號碼囉」。郭莎樂又指,鄺港智原本的號碼登記在譚方駿的名下,所以他毋須再用另一號碼?鄺球確認。

郭莎樂指,鄺球給鄺港智電話卡,因為是鄺港智逃走的一部分計劃,亦包括租用凱旋門單位。鄺球表示「巧唔巧合咪見仁見智去睇呢件事囉,同時你成日講話逃走返大陸,大陸啲公安拉你仲快啦,快過香港」。

郭莎樂總結,一連串事件都指向預先策劃。鄺球否認存在任何計劃,「根本冇呢啲噉嘅計劃。我都唔知點樣算巧合,計劃就一定冇,我只係做我平時做嘅嘢」。

郭莎樂追問,鄺球於上海街購入物品、租用龍尾村單位,龍尾村單位在蔡天鳳出事前已經準備妥當,方便處理屍體,只是巧合?鄺球就解釋,「我買嗰啲工具係裝修用」。而租屋目的是養生,「係我做運動、養生嗰啲程序嘅,醫生話如果唔做多啲運動,血糖指數一再唔降低嘅話呢,就要打嗰啲糖尿針,所以我用兩年時間去調理返我個人嗰身體啫」。

郭莎樂另指,鄺球在蔡天鳳死前,巧合地租龍尾村單位及凱旋門單位,又在龍尾村單位佈置妥當及添置工具,鄺球稱「事前咁多樣嘢,你可以講係巧合囉」。

郭莎樂質疑鄺球特意租用龍尾村單位,是因為從加多利山單位駕車到墨爾文書院或龍尾村單位是同一路線,鄺球稱「揸車經過啲路線係咪巧合,我唔識形容喎」,但否認他如此計劃是為了蔡天鳳上車後以為正前往墨爾文書院而不會生疑。

郭莎樂指,這一連串所謂巧合,最直接的解釋就是鄺球與兩名兒子預先共謀殺害蔡天鳳,並利用該村屋處理及棄置屍體。鄺球回應「唔同意你嘅推斷」。

暫委法官祁彥輝向鄺球提問,承認事實提到,陪同鄺球在2月17日到凱旋門看單位的女子「 伍志榮」,是否他的女朋友?鄺球確認。

代表鄺球的大律師戴偉奧進行覆問。戴偉奧指,鄺球自被捕後一直還押,無法取回自己的商業文件,因此無法提供證據證明國內生意有賺取利潤。鄺球確認。鄺球亦同意,如控方提出,警方可容易取得這些文件。

戴偉奧問,案中是否有證據顯示蔡天鳳有模特兒工作、Instagram 平台或者其他買賣及生意交易帶來收入。鄺球回應,並無任何資料證明蔡天鳳透過上述途徑賺取利潤,僅見到海南物業曾經出售,該宗交易由鄺球負責處理,有款項存入張燕花指定銀行戶口,而該次物業買賣是有盈利。

戴偉奧指,鄺球曾代鄺港智賠償600萬予2015年盜竊案受害人。鄺球確認,並表示目的並非為了撤控或說服證人不出庭作證。鄺球補充,他知道鄺港智當時承認6條控罪,亦知道6條控罪的涉案金額大約600萬。鄺球完成作供。

休庭半小時後,鄺港智戴黑眼鏡、身穿黑外套、長褲及黑皮鞋出庭作供。代表鄺港智的大律師安華暉進行主問。

鄺港智。資料圖片

鄺港智。資料圖片

安華暉首先問鄺港智與蔡天鳳相識經過。鄺港智稱,2008年他就讀弘爵國際學校時認識蔡天鳳,當時二人約 14 歲,其後發展戀情,並搬到黃埔花園,與蔡母張燕花同住。

鄺港智供稱,「嗰陣時同 Abby 拍拖吖嘛,跟住就同佢屋企人關係好好,同佢阿媽即係張燕花,咁同埋嗰陣時喺屋企,我老竇又冇乜點相處倒咁樣」,因為父親「惡少少、嚴格少少」。安華暉問張燕花是否較溫柔,鄺港智認同,指當時彼此相處融洽,他更學海南話,希望融入對方家庭,自稱海南話有九成流利。

安華暉續問,蔡天鳳 2012 年懷孕,2013 年誕下兒子 W,當時鄺港智 18 歲、蔡天鳳 19 歲。鄺港智指其後搬到黃埔花園另一單位,租金由鄺母李瑞香支付。

安華暉續指,二人 2013 年 9 月結婚,翌年誕下女兒X,而鄺港智大約同期觸犯盜竊案。鄺港智稱,犯案是想多賺錢養家,家庭包括自己、蔡天鳳、子女以及張燕花,當時和張燕花關係如同母子。他否認與原生家庭斷絕來往,只是和母親李瑞香較親密。

鄺港智透露,他於2015年8月因牽涉盜竊案而逃往內地,被問及如何逃走時,他回應「我坐啲大飛㗎」,因此不用經過入境處,及後用相同方法來回香港及內地,每一程「包船就10萬蚊」,更指自己有能力支付坐大飛的費用。他直言,沒有依賴蔡天鳳的金錢維持生活,他有經營生意賺錢,包括經營鐘錶買賣。

鄺港智供稱,經營鐘錶生意時,他向有興趣的朋友銷售手錶,先由蔡天鳳向錶行付款;進行交易時,他會先着蔡天鳳提供找換店戶口,他着客人付款予該戶口,再由蔡天鳳在香港提取現金,每隻賣往內地的手錶大約可賺兩成利潤。

安華暉引述貴族鐘錶行紀錄,指鄺港智曾購入百達翡麗、勞力士、愛彼、宇舶等多個品牌手錶。鄺港智指,除貴族鐘錶行外,他亦認識澳門Richard Mille代理,可向對方取錶再轉售予貴族鐘錶行。

大埔龍尾村。資料圖片

大埔龍尾村。資料圖片

鄺港智續稱,鐘錶業務的利潤「大多數我都唔攞㗎,畀晒 Abby」,整體鐘錶生意盈利約2,000多萬元。他另外涉足地產項目,包括經營寫字樓二房東業務,有關利潤就沒有全數交予蔡天鳳;他亦曾開餐廳,惟該餐廳未有盈利。寫字樓業務當時共有3個項目,每月利潤26萬至30萬人民幣。

鄺港智又稱,他在海南海口,做文昌的土地租賃中介,負責承租農地再轉讓合約,相關款項由蔡天鳳負責匯出。他解釋自己沒有個人銀行帳戶,「通常我啲錢畀咗 Abby,我自己平時使用都唔使好多錢」,這項土地中介業務每年約賺 100 萬人民幣。他又指,身在廣州時曾入住柏悅、文華東方及瑰麗酒店,費用由自己支付,「咁我有做嘢㗎嘛,咁我咪直接畀錢囉,用公司名畀又有,有時碌card又有」。

鄺港智承認會使用蔡天鳳、父親鄺球及胞兄鄺港傑的信用卡。安華暉問,蔡天鳳願意讓他使用信用卡,反映二人關係如何?鄺港智回應:「關係都好好吖,咁我哋由細到大,你話 credit card,用佢張 credit card 係因為我唔方便有自己戶口,所以佢畀我傍身。」

鄺港傑、鄺球、鄺港智同被控1項謀殺罪及1項阻止合法埋葬屍體罪。控罪指3人於2023年2月21日,在大埔汀角路龍尾村56B村屋地下內謀殺女子蔡天鳳,並在2023年2月21日至23日期間,於同地阻止合法埋葬蔡天鳳的屍體。

三人否認謀殺罪,鄺港傑及鄺港智承認阻止合法埋葬屍體罪,鄺球開審前不承認阻止合法埋葬屍體罪,但於2026年10月30日改認罪。

鄺港傑。資料圖片

鄺港傑。資料圖片

案件由原訟庭暫委法官祁彥輝(Brian Keith)審理。控方由外聘資深大律師郭莎樂(Charlotte Draycott)、高級助理刑事檢控專員梁育珩、高級檢控官林曉敏與檢控官尹培軒代表。鄺港傑由大律師Trevor Beel代表,鄺球由大律師戴偉奧(Oliver Davies)、羅天祺代表;鄺港智則由大律師安華暉(Andrew J. Raffell)代表。

案件編號:HCCC198/2025

你 或 有 興 趣 的 文 章