拆局：揭葉劉哽咽眼濕濕的原因

葉劉淑儀今日向傳媒介紹其特首選舉團隊，講起現任特首梁振英盛讚林鄭月娥有擔當，立時眼濕濕，話自己出錢出心出力，點可以話無擔當？

點解葉劉咁感觸？唔通只係因為無俾人讚？

政壇高人話背後有原因，首先，係被飲食界選委盛智文「請食檸檬」，在葉劉的參選大會上，她在台上說感謝盛智文擔任她的競選辦特別顧問﹐點知大半個月後，盛智文話樂意為林鄭助選，並傳出會加入林鄭競選團隊做主席團成員。

另一個觸動葉劉的原因係佢知道自己好大機會唔夠150提名票入閘。政壇高人說，泛民撐鬍鬚曾，如果佢入閘即係代表泛民，阿爺絕唔會容許兩名建制派同時入閘，即係唔會俾票葉劉，而葉劉自己最多只能攞到幾十個提名票，目前來看，入閘機會渺茫。

仲有一個更微的機會係鬍鬚曾最後入唔到局，阿爺可能會俾票葉劉入閘，不過，呢個機會諗落唔係好大。

Ariel

** 博客文章文責自負,不代表本公司立場 **

林鄭宣布參選特首戰後，陸續有重量級政壇人士被傳將入佢的競選團隊，據了解，人大常委范徐麗泰將加入做主席團成員。

另外，盛智文亦好大機會加入主席團，如果大家記得，早幾日，林太出席富二代的晚宴，盛智文都有現身。

雖然早前葉劉淑儀宣布參選當天，盛智文都現身，但心水清的政壇口水友話，當天盛智文並沒有上台，只是坐在台下。

盛智文同葉太係幾好朋友，但佢最終無上台，出席都係表個態支持吓，但都係未揀定支持哪個參選人。本來盛智文都幾like鬍鬚曾，不過，佢同林鄭關係亦不錯，依家佢最後決定加入做林鄭的主席團成員，鬍鬚曾、葉劉都會失望。