政事
鬍鬚曾宣布參選，早前傳聞阿爺搵人用亞投行副行長之職位，交換他不參選，記者今日當然唔會放過機會，直接問鬍鬚曾有冇件咁嘅事。
對於外界指中央曾勸退鬍鬚曾，甚至以亞投行職位引誘他退選，他回答話，亞投行是一個國際機構，並非中國的銀行，所以有關說法不成立，又相信中央也希望有一場公平公正的選舉出現。
Ariel早已講過，亞投行係一個國際組織，中國的金立群已經做咗行長，唔可以咁隨便指派另一個人做副行長，所以有關消息係流料，結果證明真是如此。
鬍鬚曾又被問到為何辭職了一個多月才宣佈參選，他回應話，自己是在本周一才獲准辭職，他自言是一個「守規則」的人，所以現時才正式開動選舉工程，他又自稱暫時一票都沒有，要努力開始拉票。
Ariel
** 博客文章文責自負,不代表本公司立場 **
中聯辦舉行一年一度新春酒會，主人家主任䁱明哥受關注都好自然，Ariel就見到他步下主禮台，同唔少嘉賓談笑甚歡，好多人爭住同佢合照。
長江系李嘉誠誠哥今年冇嚟，長子李澤鉅有出席，仲同䁱明哥握手交流吓。聞說李超人外遊未返。
講到新集郵焦點，就非林鄭莫屬，她剛剛宣佈參選特首，唔少嘉賓捉住佢影相，愈聚愈多。
而今日宣布參選的曾俊華就冇嚟到，相信中聯辦應該有請他，唔知係搞記者會太忙，冇到呢？！
至於已經宣佈唔競逐連任的CY，睇嚟好輕鬆，都有唔少人搵他一齊玩自拍。
