中聯辦新春酒會 林鄭成集郵焦點

中聯辦舉行一年一度新春酒會，主人家主任䁱明哥受關注都好自然，Ariel就見到他步下主禮台，同唔少嘉賓談笑甚歡，好多人爭住同佢合照。

長江系李嘉誠誠哥今年冇嚟，長子李澤鉅有出席，仲同䁱明哥握手交流吓。聞說李超人外遊未返。

講到新集郵焦點，就非林鄭莫屬，她剛剛宣佈參選特首，唔少嘉賓捉住佢影相，愈聚愈多。

而今日宣布參選的曾俊華就冇嚟到，相信中聯辦應該有請他，唔知係搞記者會太忙，冇到呢？！

至於已經宣佈唔競逐連任的CY，睇嚟好輕鬆，都有唔少人搵他一齊玩自拍。

Ariel

** 博客文章文責自負,不代表本公司立場 **

林鄭今早在到電台接受訪問，最惹人注目的不是政策立場，而是對傳媒的評價。

她被問到是否「黃袍加身」時，林鄭點名多份傳媒，包括《蘋果日報》及《信報》等，指它們自12月10日她宣佈重新考慮參選特首後，對她的批評相當嚴厲。

林鄭話鋒一轉說：「這是香港傳媒生態，亦是新聞自由。就算美國選舉，《華盛頓郵報》、《紐約時報》都有晒立場，所以大家毋須太緊張。」

對於在節目上點名批評部分傳媒，林鄭又再提到，她重視新聞自由，願意與所有媒體合作及交流，提到某數份報章只屬舉例，不等於對某些傳媒有偏見，自己樂意到任何傳媒包括網媒，講今次特首選戰。

政壇八卦友話，林鄭點名講三份報章，勇過梁振英喎。