政事
林鄭今早在到電台接受訪問，最惹人注目的不是政策立場，而是對傳媒的評價。
她被問到是否「黃袍加身」時，林鄭點名多份傳媒，包括《蘋果日報》及《信報》等，指它們自12月10日她宣佈重新考慮參選特首後，對她的批評相當嚴厲。
林鄭話鋒一轉說：「這是香港傳媒生態，亦是新聞自由。就算美國選舉，《華盛頓郵報》、《紐約時報》都有晒立場，所以大家毋須太緊張。」
對於在節目上點名批評部分傳媒，林鄭又再提到，她重視新聞自由，願意與所有媒體合作及交流，提到某數份報章只屬舉例，不等於對某些傳媒有偏見，自己樂意到任何傳媒包括網媒，講今次特首選戰。
政壇八卦友話，林鄭點名講三份報章，勇過梁振英喎。
Ariel
** 博客文章文責自負,不代表本公司立場 **
葉劉淑儀今日向傳媒介紹其特首選舉團隊，講起現任特首梁振英盛讚林鄭月娥有擔當，立時眼濕濕，話自己出錢出心出力，點可以話無擔當？
點解葉劉咁感觸？唔通只係因為無俾人讚？
政壇高人話背後有原因，首先，係被飲食界選委盛智文「請食檸檬」，在葉劉的參選大會上，她在台上說感謝盛智文擔任她的競選辦特別顧問﹐點知大半個月後，盛智文話樂意為林鄭助選，並傳出會加入林鄭競選團隊做主席團成員。
另一個觸動葉劉的原因係佢知道自己好大機會唔夠150提名票入閘。政壇高人說，泛民撐鬍鬚曾，如果佢入閘即係代表泛民，阿爺絕唔會容許兩名建制派同時入閘，即係唔會俾票葉劉，而葉劉自己最多只能攞到幾十個提名票，目前來看，入閘機會渺茫。
仲有一個更微的機會係鬍鬚曾最後入唔到局，阿爺可能會俾票葉劉入閘，不過，呢個機會諗落唔係好大。
