美國新任總統特朗普出任做法接二連三，最新是派遣兩個「特使」 入美國之音，手法都好粗暴吓。美國傳媒中人擔心， 美國之音會變成呢位前電視節目「飛黃騰達」主持的宣傳機器。
美國之音是美國政府的對外宣傳機器，似似地英國廣播公司( BBC)對外宣傳那部份。幾個星期前， 美國國會先至通過撤銷美國之音董事會， 讓美國之音行政總裁大權集於一身， 而行政總裁就係由美國總統任命。
在特使事件之前，美國之音發生咗一件事，他們在Twitter原文照錄白宮新聞秘書Sean Spicer所講，話總統就職典禮觀看人數有史以來最多， 包括美國本土及全球觀眾。事實上，參加就職典禮僅90萬人，為上屆人數的一半，貼文引起抨擊，美國之音其後刪除貼文。
與此同時，美國之音亦刪除另一抨擊特朗普之貼文， 話未得特朗普方面的回應。
而特朗普派出的兩位「特使」，亦會評估廣播理事會（Broadc asting Board of Governors，BBG）的表現，兩人已暫時進駐BBG行政總裁辦公室，確保「公開、透明、無縫交接至特朗普政府。」
BBG權力好大，係美國政府屬下的聯邦機構，負責監督美國之音、 中東廣播網、自由歐洲電台、自由亞洲電台、馬蒂廣播電視台等。 每年佔聯邦政府預算8億美元。 美國傳媒正金睛火眼睇住特朗普插手入政府傳媒機構後會點搞。
政壇八卦友話，特朗普唔止鬧傳媒人， 仲擺明直接插手政府對外宣傳機構，隨時擴展呢啲機構功能， 向埋美國本土宣傳，手法都幾得人驚。未來特首千萬唔好學， 否則派兩個人入港台，都會嚇死人架。
小鯊
** 博客文章文責自負,不代表本公司立場 **
