政事
林鄭新班底當中，部份位置開始有眉目，例如環境局局長一職，就很大機會由現任局長黃錦星留任。
黃錦星4月初被問及會否在下屆政府留任時表示，自己持開放態度，但強調要給予空間和時間候任行政長官籌組問責班底。佢又話未來無論是任何崗位，都會支持環保工作和服務社會。
黃錦星做環境局局長的表現不俗，但據聞林鄭亦曾考慮環境局副局長陸恭蕙，陸恭蕙既是女性，又有少少泛民背景，所以也是做環境局局長的合適人選。
但聽聞陸恭蕙無意升任局長，皆因她想未來多留點時間陪伴孩子，所以將來可能連副局長都唔做，去美國陪伴小孩。
如此一來，現任環境局局長黃錦星，就成為續任局長的不二之選。
Ariel
** 博客文章文責自負,不代表本公司立場 **
CY來屆唔再做特首，成個人鬆晒，今日就到處落區，去過旺角、葵青、荃灣，到處同市民影相，睇嚟中心受歡迎。
CY將照片和影片上載facebook。話首站是去石籬，探了當年競選時探過的馮太一家人。當年她們還住在劏房，近年上了公屋，馮太說比中六合彩還開心，上樓後添多個小朋友，住的地方還是較擠逼，但總算較穩定，租金也較劏房低。
CY再探當年競選時探過的家庭
CY話解決房屋問題的不二之途是盡快盡量增加供應，請大家配合。
CY去到荃灣區時，好多市民輪着同佢合照，原來CY仲識玩自拍。
佢亦去咗旺角街坊福利會陳慶社會服務中心，和數十名長者玩遊戲，又和另一批長者做體操。CY又同大班老人家玩自拍。
CY自拍得好純熟喎。
知情人士話，CY未來落區仲陸續有來。佢唔再連任，就無乜人去狙撃佢，抱BB、探老人、玩自拍，完全難唔到佢。
