過份溺愛，誰之過

撰文 : 勾玄

是咁的，朋友家中有一個小孩，今年剛岩昇讀中一，最近聽到呢位小朋友原來已經成個星期冇返學，唔係咩特別原因，冇病冇痛，就係唔想返學，再細問之下，原來小五小六已經有此問題，朋友諗極都唔明，所以有一日乘朋友飯局，佢俾左呢個小朋友既命格我睇，一睇之下，其實已經知道大概既原因，難就難在點樣去表達俾朋友知道，始終相識一場，唔想講得太白，命理師有時係要識留一口既。

呢個小朋友冬天出世屬陰金，四柱地支全部係土，月干時干乙木夾住個日元，最慘成個原局一點火都冇，真係慘慘豬。

硬住頭皮講，小朋友自坐偏印，出生響一個唔完整既家庭，地支全部係偏印，又屬土，呢個小朋友收埋自己唔識表達之餘，仲諗埋一邊架喎，懶就唔在講啦。(我認，我對命格土多既人有偏見，吹咩)

朋友搏晒老命咁點頭，我繼續講，辛金俾乙木夾擊，兩邊同時貼身剋，金木交戰，意志力薄弱，另外，個人愛依賴，因為乙木代表灌木，有如攀藤植物，要依靠他人而活。真係要小心管教，重點係唔好縱壞佢，因為呢個小朋友印身旺財弱，成慈母滅子局，家中長輩對佢太過溺愛會害死佢架。

朋友默然不語，估計同我既推算差無幾，因為佢表示，屋企個老人家有時係好難去同佢講唔好縱孫既，因為響佢地心目中，呢 D 唔係縱，反而你地打打鬧鬧對佢個孫先係唔岩。

我唯有表示，家家本難唸的經，唯有盡量同老人家講多 D ，希望佢地明白，佢地咁樣係摧毀緊小朋友既將來，唔係愛佢既表現。

#Facebook專頁
#香港兔蘆術數學會
#Yahoo #ElleBlog #痞客邦 #微博客 #巴士的報
#玄學 #八字 #術數 #面掌相 #占卦 #文王卦
(相片來源：互聯網)

香港兔蘆術數學會

** 博客文章文責自負,不代表本公司立場 **

想讀書成績好，除了自己努力之外，風水巒頭理氣都可以輔助一下。
相信大家都係聽過文昌位。如果文昌位set 得好，當然幫助頭腦會聰明d，思想會好d，有利讀書考試。

2017年文昌位在東北方，四祿文昌位係屬木，要加強文昌位，坊間好多人話，放四枝富貴竹，文昌塔，四支毛筆等等.......其實一張書枱邊有咁多位放晒咁多風水擺設。簡簡單單四枝富貴竹就可以。利用五行相生 (木火土金水)，可以放杯水，都有催旺作用。(因為水生木)

屋外如果有圓柱形或塔形既建築物都可以借用作為文昌，但唔好借電塔(因為係另一樣野)，最佳例子係港島區某一屋邨。

最後祝學生們考試順利。

下次再會
Ir威尼斯

(圖片 from 互聯網)