【占卦 - 工作選擇】

撰文：朱雀神君

今年求問姻緣、感情既人數少左好多
但反而對於工作上既問題，就多左好多？
難道丁酉年係一個轉工既年分？

其實，文王卦黎講，求問工作既用神會係官鬼爻及父母爻
官鬼爻係睇該公司，父母爻係睇你既合約
官鬼爻及父母爻旺，我就真係要恭喜你！

事緣今年年頭，有朋友問及工作如何，就想用占卦睇下 in 左既工好唔好做
但一占出黎，世位同應位互沖
解釋出黎就係指佢同個間公司唔夾
但係朋友一直都好鍾意呢間大公司，一定係非入不可個隻
佢當然唔會相信枝卦講既野
我繼續話，你同同事既關係都會有分歧 (兄弟爻剋世)
當然，佢係呢個 moment 真係講咩都聽唔入耳

如是者，過左一個月，佢都正式開工
最記得就係，佢過左一星期就打電話俾我
就講：「你講得好啱。番左一星期都無已經同同事吵大獲。另外而家做緊既野，同原本我諗既好唔一樣，老細下下都捉我錯處.............(下刪一千字)」

其實，佢當日係占左兩枝卦，分別係 A 公司 同 B 公司
反而 B 公司係應位生世位，個情況好太多！
所以話，真係唔好唔信卦 ar！
#Facebook專頁
#香港兔蘆術數學會
#Yahoo #ElleBlog #痞客邦 #微博客 #巴士的報
#玄學 #八字 #術數 #面掌相 #占卦 #文王卦
(相片來源：互聯網)

香港兔蘆術數學會

** 博客文章文責自負,不代表本公司立場 **

撰文： 頭毛

學習八字既要懂得捉用神, 占卦需要觸機. 而面相捉既就係感覺, 亦即係第一印象同當下果個人比你既感覺. 亦係我所理解為第六感

初初學習面相 最困難既就係學習點樣睇一個人既特徵, 而透過唔同既特徵去判斷對方係一個點樣既人. 其實如果單單擁有該特徵就可以判斷為人性格的話, 理應係一件好簡單既事.

但點解 每次睇人既時候都會唔係一定準確呢, 因為相不獨論, 而正正因為呢樣野令到好多學習面相既人會 透過已觀察所得既特徵再而作出一個調整, 但亦可能 忽略左一樣最重要既野,係感覺, 第一印象.

例如係氣質, 相法有云, 精神靈秀謂之清; 怪而無神謂之濁. 但點樣去理解呢兩句說話呢, 憑既就係人類既五感, 包括左 視覺, 聽覺, 嗅覺, 味覺同觸覺.

而五感亦都間接令我地產生左第六感, 又稱為超感官知覺. 就係透過五感不知覺地接受資訊, 進行左篩選而得到一個特殊既預感,間接推論出黎既一個感覺.

當認識一個新朋友時, 第一印象提供比你既資訊最為重要, 因為係由對方透過氣場同能量而產生既一個感覺, 而呢一個感覺係完全不包含 已接觸後既認知.因為對方可以透過說話, 行為去掩飾本身既為人同性格.

所以無接觸面相既朋友可以憑感覺去判斷對方既為人, 亦即係第一印象.

而接觸過面相既更加需要去理解呢個感覺既重要性, 因為透過第六感所得知既感覺可能會同面相特徵上而判斷既有些少出入. 令你更加難以捉摸對方既為人.

所以當接收到既第六感係特別強烈既時候, 我建議大家可以留一個心眼, 去記住呢個感覺再接觸過後相處後而判斷對方為人.

筆者覺得如果忽略左第六感提供比你既資訊而單憑對方言語上/行為上/特徵上去了解對方為人既話, 有可能會令到自己後悔莫及.

所以點解 , 唔相信自己直覺呢?