政事
政府提出高鐵一地兩檢方案，一如意料反對派開足火力猛轟，為推倒一地兩檢，理由層出不窮，將租地指為割地，又講到基本法已蕩然無存來嚇市民，更說今日租西九口岸區，日後再有佔中就隨時將佔中區劃給大陸行內地法，總之好得人驚。
這些說法有些誇大之詞，但卻變成各有各講，一時間亦難以辯得清，就如馬丁李柱銘早兩日上香港電台節目就講，坐高鐵的都是退休人士去旅行，佢地大把時間，唔駛咁趕。
馬丁真係好耐好耐無返過大陸，完全未試過過關，若他試過係皇崗過關，就知道叫老人家去到拿著行李落車，過咗香港關，再坐黃巴士去大陸關，隨著擠逼人潮過關非常辛苦。當然在人多時在羅湖過關一樣咁慘。
在西九坐高鐵返內地，最大的好處，就是方便，到西九的內地口岸區輕鬆便捷，在這裡上了高鐵，就毋須再要拿著行李上上落落地被折騰。馬丁可以唔搭高鐵、可以唔番大陸，但就有需要了解一下要返大陸的港人的情況，尤其老人家，不要講埋佢地有大把時間，那就漠視他們因一地兩檢受阻而遭受的折騰。
小鯊
** 博客文章文責自負,不代表本公司立場 **
出版咗20年的《飲食男女》雜誌，宣布玩完，話會告別紙本，不再出版雜誌，但會轉戰網上。
最後一期紙本《飲食男女》。
《飲食男女》現在隨《壹週刊》附送。壹傳媒早前宣布，接受商人黃浩以5億港元向壹傳媒收購《壹週刊》、《忽然一周》、《Next+One》、《ME》《壹本便利》及《Face》的建議。當時壹傳媒話交易後集團將會繼續發行《飲食男女》及《交易通／青雲路》，並加速推動數碼版。估不到言猶在耳，就決定停止出版《飲食男女》。
《飲食男女》社長Betty Ma今日在《飲食男女》的facebook 專頁上播片獨白，話佢地曾經孕育出一本有生命力的飲食雜誌，可惜佢地敵唔過紙媒衰落，唔能夠再支持落去。他們無奈要向大家宣布，《飲食男女》紙本要告別了，轉戰網上。
社長Betty Ma在fb專頁播片獨白。
傳媒業人士話，昨天傳《100毛》母企上市，今天講《飲食男女》雜誌玩完。呢個現象可以理解為大家都要搞網，亦可以理解為《100毛》成功過壹傳媒好多喎。
《100毛》去年賺3626.3萬元，而壹傳媒集團蝕3.9億，對比好強烈。你可以話壹傳媒被被紙媒拖累，但單睇壹傳媒屬下做網的生意，也由前年賺3516萬，變成去年虧蝕124萬，以網比網，《100毛》賺錢能力亦強好多。所以話《飲食男女》摺埋雜誌專心做網得唔得，都真係要睇過至知啦。
