政事
林鄭新政府將於今天公布首批副局長及政治助理名單，盛傳將出任教育局副局長的蔡若蓮今早向教聯會辭去副主席一職，並獲教聯會接納，她的入局安排看來已成定局。
教聯會今早向該會理事發出內部通知表示：「今早已正式收到蔡若蓮博士向教聯會提出因工作關係，决定辭去副主席一職，教聯會尊重她的決定，今日（2017年8月1日）已接納其辭呈。」
對於外界一直流傳的新班子副局及政助名單，最惹熱議的無疑是蔡若蓮，由於她的左派教聯會背景，成為反對派大力狙擊的目標。來自教協的教育界立法會議員葉建源質疑她的背景；建制派則力撐若蓮，認為新政府應量才而用，不能以政治背景劃線。
雖然林鄭新政府頂住非建制派的反對聲音，蔡若蓮成功入局，但在立法會內的非建制議員已揚言，會在議會內好好「招呼」她，故可預見她未來仍會遇到不少挑戰。
Ariel
** 博客文章文責自負,不代表本公司立場 **
發展局局長黃偉綸新官上任，都好勤力落區，昨日行程相當緊湊，佢首先到深水埗區元州邨探訪兩位獨居長者同一個家庭，跟住就約見深水埗區議員，然後參觀咗饒宗頤文化館。
而家特首林鄭建議局長要行勻18區，同18區區議員傾偈至少個半鐘。講到傾偈呢樣嘢，就難唔到Michael Wong啦，佢當年讀書時係港大辯論隊，滔滔雄辯係佢專長，試過見到電視台記者訪問佢，佢講咗相當時間之後，個記者揸咪隻手開始震。
不過Michael昨日見深水埗區議員時，唔止佢講，仲細心聆聽區議員的訴求，好勤力咁抄筆記。發展局將相片上載facebook，形容「大家都傾到唔捨得走」。
Michael家訪時同老人家有傾有講，仲送上政府20A(回歸20週年)禮物包，以表達關懷。長者就即直表演樂器，回報Michael局長。佢訪探一個家庭時，只見小朋友在玩手機，大人講嘢唔啱細路個頻道，唔知局長的禮物有無玩具啱細路玩呢？
另外，發展局又出帖子，以「集思廣益」為題，話「為咗解決本港土地供應不足問題，發展局 Michael 局長搵緊專業人士幫手研究搵地起屋；歡迎大家畀啲建議，天馬行空嘅都歡迎㗎～」
搵地係核心問題，睇嚟Michael 局長都好開放，乜意見都歡迎喎。
