香港阿一都硬了

昨晚到清晨，焦點都喺立法會的衝擊大龍鳳，當然仲有遠在巴西的西班牙慘敗荷蘭的球壇大騙案，可能呢兩單新聞太搶眼了，大家唔係太覺政府昨日傍晚出招，反駁台灣中央社引述民進黨對一國兩制白皮書的意見。

 

 

事緣喺國新辦發表白皮書後，台灣中央社引述民進黨發言人黃帝穎指白皮書發表後國權高於人權，恐怕會犧牲港人追求民主自由的權利。

 

由於特區政府發言人咁樣回應台灣呢類言論，以前就唔多有，知情人士就話，日後政府會更主動更快速地回應境外的不公指責，據聞「比起世界先進社會，不遑多讓」仲係特首親自加入去添。

 

睇嚟隨著阿爺的態度愈趨強硬，兼愈來愈傾向判斷有外部力量介入香港的事務，對境外的任何言論都睇到實，特區都要硬埋一份喎。

 

 

Ariel

** 博客文章文責自負,不代表本公司立場 **

立法會外面示威今晚不平靜，喺停車場的一邊又係另一場「大戰」，人民力量的袁彌明用座駕擋在立法會停車場閘前，很多建制派議員無法揸車離開立法會大樓。

彌明BB真係有計，將架車停咗喺度，就係唔肯開走，仲不停上截片段到Facebook，又出位啦。

建制派元秋就影番在車內的彌明BB，上演一場口水戰。

由於彌明BB企硬，保安同警員都冇乜計，有議員棄車，步行到會展附近再搭的士回家。不過，又奇怪喎，彌明BB唔係立法會議員，點解架車可以駛入立法會議員的停車場？