蛇齋餅三文治

泛民大力催谷6.22公投，去到有少少無所不用其極的地步，今天就有6.22三文治派。

其中一個事發地點在觀塘巧明街近行人天橋位的街口（唔知有冇其他地點），派發時間由12：30至13：30的食飯時間，有專車車到現場，然後有兩名青年落地派，估計派超過200份左右。

盒三文治上貼有「川香苑支持」的字樣，有朋友問咁樣算唔算賄選。Ariel扮律師搶答，話唔算賄選，因為6.22唔係正式選舉，加上盒三文治上亦無叫你投那一個方案。

 

但呢種行為算做「利誘投票」，道德上就唔係咁好。泛民成日話建制派選舉靠「蛇齋餅糭」，但自己又搞「蛇齋餅三文治」，好似有少少雙重標準囉。

Ariel

** 博客文章文責自負,不代表本公司立場 **

星期五晚立法會財委會審議新界東北撥款引發成衝擊事件，繼續喺政壇發酵。

由梁特首到林司長，今日再有保安局長，齊聲譴責暴力衝擊立法會，報章引述政府消息點名六個團體，指涉暴力衝擊議會的大批青年來自包括土地正義聯盟、左翼二十一、青年重奪未來、香港人優先、古洞北發展及學聯等組織。

那邊廂組織集會的八個團體就開記者會，反駁係財委會主席吳亮星不公，沒有權力限制議員發言，突然決定剪布，觸發場外示威者憤怒，衝擊立法會。

香港基本法委員會副主任梁愛詩則話擔心「佔中」行動，會像日前衝擊立法會，和平開始，暴力收場。雖然阿爺官方暫時沒有出聲，但Ariel今日睇到中央電視台的新聞網，發現央視新聞台報道咗立法會被衝擊的事件，記憶應該第一次報道香港呢類新聞。

http://news.cntv.cn/2014/06/15/VIDE1402801921259813.shtml?from=singlemessage&isappinstalled=0

北京消息就認為央視新聞唔係隨便乜嘢都會上，咁樣係顯示北京嚴重關注事件。睇嚟六、七月政治氣氛可能愈趨繃緊，今年的暑假，政界人士要有心理準備，冇往年咁輕鬆去個長途旅行囉。