政事
好快又臨近星期五，立法會財委會又開審議新界東北前期撥款，Ariel收到風今次財委會主席吳亮星要出手剪布了。
政府中人有一個研判，過去兩個星期五在立法會外的示威愈演愈烈，和立法會的軟處理有關。先是對上一個星期五立法會初時覺得不需要尋求警方協助保安，甚至繼續開門迎客，惹來大批示威者。到上星期五門外示威厲害時，財委會腰斬了會議。政府認為與其說休會令示威者平靜下來，不如說休會令示威者相信激烈示威有效果，下次可以再來。
擺在建制派面對的最大問題是今個星期五剪不剪布，若剪布馬上表決。若不剪布就拖多兩三個星期，拖到7.1，甚至7.1之後，但這樣拖下去會好一點嗎? 政府的結論是愈拖愈衰了。
當然，若然剪布，議案當日付諸表決，要預備了立法會門外更暴烈的示威，警方也在研究各種防禦方案，以防出現不能控制的局面。
Ariel
** 博客文章文責自負,不代表本公司立場 **
機管局早前因北商業區發展搞完一鑊粥後，依家羅康瑞出任主席，又委任埋林天福做行政總裁，都可以集中精力搞番第三條跑道同相關項目的發展啦。
康瑞哥呢期認真好，做機管局過度主席，一年後又會做貿發局主席，唔少人關心佢會唔會紅上加紅，棄商從政，甚至選特首呢？
聞說康瑞哥最近同朋友講唔會參政，亦唔會選特首，仲講得好堅決，皆因佢母親大人極力反對康瑞哥從政，話說係廿幾年前，佢做緊基本法諮委時，阿媽就講過如果康瑞哥去選特首的話，就脫離母子關係咁話。
所以孝順仔的康瑞哥話一路都冇打算從政兼選特首，依家母親大人已94歲，更唔會去做呢啲嘢去激阿媽啦！
康瑞哥貴為瑞安主席已經夠忙，依家做埋機管局主席，都等於係另一份工，佢都非常忙，聞說一日瞓得四、五個鐘，但見佢平日都面色紅潤、精神奕奕，原來秘訣係練氣功。
Ariel的朋友話見過康瑞即席「表演」，佢雙目閉上，幾十秒後，打開的雙掌漫漫變得通紅，之後合埋，右手指可以比左手指長一厘米。原來佢練的一種帶有「入靜」的氣功強身。
市場都關心機管局咁多工程，佢身兼瑞安主席會唔會有利益衝突架？聞說康瑞哥就同朋友講過，瑞安唔會投機場所有的合約，所以唔使擔心。
