/wp-content/uploads/blogger/2016/04/10455210_10152184436856630_825976282909098617_n4-300x300.jpg.webp)
改名真係難，起個標題仲難，諗到R爆頭。不過個名咁hea都仲肯入黎睇，真係比個like你。
平時人人都成日話陰陽五行點樣交戰生剋刑沖，不過近日我發現左第八種力量足以影響成個局面，呢種力量我稱呼佢為“虛無”。
不過用“虛無”力量呢個字眼好似有少少偏離航道，咁用返較為容易入口嘅兩隻字囉。
“空亡”
“空亡”係乜東東黎嘅呢?就等本座長話短說啦，就是乜都冇，消失左。
乜都冇，消失左咪好大獲?係架，大獲架，咁點搞好呢?會有咩問題架?
問得好好丫，真係一個好問題黎架。可惜我份人hea底開唔好意思，所以今日並唔會講一個人嘅年、月、日、時柱嘅空亡會代表咩，文王卦上嘅空亡又代表咩等等，點化解等等。呢d高深學理嘅野就等其他專家分享，所以記住繼續留意本會各路猛人所寫文章就會清楚。我想講嘅係一個近期親身嘅傻B經歷。
話說近期幾個兄弟搵左我夾一檔生意，咁出黎開會傾野，咁有人順便call左班女出黎玩下chill下咁。識我嘅人都知我工作狂黎，本來都非常順利，已經知道搵咩類型嘅人做，咩人做PR，大概個裝修點搞，吸d咩客等等嘅細節，非常好丫簡直，做事最緊要爽手又開心。
開會開到都12點左右，要改名嘞，正所謂“唔怕生壞命，最怕改壞名”。咁我個陣有少少唔知點咁，傻下傻下冇唒工作意欲，倒左杯威士忌黎飲，然後攬住其中一條女。
“Mary(化名)，妳唔係一直要我陪妳紋身嘅”
“你咁忙，仲~會記得?”
“咁就要睇妳今晚乖唔乖啦，嘿嘿。”
“E~咁點先叫做乖牙~”
下刪一萬字
然後我嘅兄弟都笑一笑，因為佢地見到我出緊招，今晚大家有得盡興。
故事並未完結嘅，慢慢睇。
第二日我醒嘅時候就係度諗，點解工作到半路我會突然跳制傻左冇唒工作意欲，咁想同女性玩嘅呢?我諗唔會係因為食左壽司掛，又冇理由係做左太多重訓，亦唔關音樂同場合嘅問題，情緒好正常，工作模式啟動中~
我就突發奇想，既然唔關“空間”同“經驗”事，會唔會同“時間因素”有關呢?一開始我都睇唔出，夜晚子水為桃花星，係，我本命揸好多桃花星同大量財星，如果係咁，我晚晚呢個時間都要不停“啪啪啪”啦，推論唔成立。
然後我再睇，嘿，原來當時嘅時間係空亡左我嘅用神。發克，唔怪得之我嘅意志突然依從財星嘅影響，需要大量酒色財氣黎調和囉。
當然，仲未100%肯定呢個假設，因為個假設可以係我嘅“合理化借口”，所以呢個研究仲進行緊，參加今次嘅試驗者將會得到本大師嘅“額外祝福”，不過女性參加者已經太多，需要一d男性樣本XD
好啦，本來仲想寫埋空亡有乜好處嘅，你地知道任何事都係一體兩面。不過太多字，我已經打到眼瞓，有緣嘅時候又唔眼瞓先再寫。
最後見你地咁乖睇唒，咁開心就比個獎品大家啦。
今年丁酉年最後兩個月，投資市場上將會有強勁嘅大波幅。十二隻字，“順勢而為，趕盡殺絕，見好就收”。
#Facebook專頁
#香港兔蘆術數學會
#Yahoo #ElleBlog #痞客邦 #微博客 #巴士的報
#玄學 #八字 #術數 #面掌相 #占卦 #文王卦
香港兔蘆術數學會
** 博客文章文責自負,不代表本公司立場 **
