女主播唱淡首置上車盤

特首林鄭月娥今日發表她的首份《施政報告》的焦點， 首置上車盤是其中主要賣點，但潛在對象就唔一定有好評。

前有線財經節目《樓盤傳真》及《每日樓市》主持吳宛盈（Caro l），昨晚在Facebook個人專頁貼文，題為《聽奶媽講， 不如聽我呢隻無殼蝸牛講》為題貼文， 話自己雖然好大機會有資格申請首置上車盤，但首置盤的入息限制、 供應量、樓盤選址、以至和新居屋售價比併，都相當輸蝕。

佢話「家庭月入5.2至7萬、以負擔能力定價： 有傳媒參考房委會水平，以呢個月入，供款佔入息40%計， 計出可負擔樓價介乎510至690萬。數字係死人係生， 兩公婆無仔女都仲可以負擔到嘅，但如果有兩件化骨龍要請工人， 每月各畀幾千蚊父母洗，仲有管理費差餉地租燈油火蠟，um…真係無眼睇。」

佢進一步彈選址，話「物色發展商新界用地：其中一個最大機會係恒基大埔蕉坑項目，乜Q坑話？ 原來喺白石角天賦海灣對面，我覺得真係好很very方便。 仲有另一個筍嘢，會德豐大埔洞梓地段，正喎喂淺月灣附近， 真係豪宅級嘅享受，返工搭車有排你受， 日出康城都起碼有個港鐵站喇。」

當然十年轉售限制也是她不滿的原因「價錢又唔係平，仲要縛十年， um…既然咁叻仔叻女負擔到510至690萬，不如買私樓好過。 」

唔好以為女主播只是彈無建議，佢話「其實唔明搞咁多嘢做乜， 不如新居屋分兩類，靚地點果啲貴啲、入息要求高啲； 新界果啲折頭多啲、入息要求低啲， 然後全部十年內只可原價賣畀政府罷喇。」佢話「 與其等首置上車盤， 不如兩公婆是但一個而家辭工搏吓抽唔抽到好過喇。」

現時用家都有好多意見，唔知特首有無留意。

小鯊

** 博客文章文責自負,不代表本公司立場 **

剛過去的周六、周日，港鐵舉行高鐵列車開放日，讓4,000市民親身體會未來的高鐵列車，反對派約20人就走去踩場。本來示威抗議是平常事，但「快必」譚得志就著咗成套解放軍衫來贈慶，又拍了條短片放上facebook，扮公安在香港隨處拉人。

快咇扮公安。(網上圖片)

在放片時留言話:「快必譚得志變公安，講解割地兩檢有幾危險，連警察都怕咗佢！」

短片長約3 鐘，快必在片中得意揚揚話要入去參觀高鐵列車，又講一地兩檢未來就係公安在香港執法，他又自解為何著解放軍衫而非公安制服，他就話現在公安，遲些就係解放軍，並話「無乜分別，都係共產黨個啲黑社會」。

快必四圍扮拉人，被途人用粗口罵他「黐x線」，他就扭曲為：「講得啱，一地兩檢黐x線」。

快必搞嘢時被途人罵。(網上圖片)

現場有三數名警察離遠察看，快必就挑釁地走近他們，警察見他走近就行開，他就講：「你都覺得恐怖哩，有朝一日公安係香港範圍執法，警務人員都走晒，幾恐怖，各位市民睇到喇！」

有網友Marco Chan在快必的貼文上留言話，快必著住的是89式警服，佢「著89式警服扮公安，大陸都換曬99式警裝就快二十年啦，好心香港人醒下啦，仲停留嚮廿年前嘅刻板印象，大陸睇到呢個新聞，網民只係會得啖笑，當你地係弱智，逆民族主義者嘅劣等行為，做show都唔用下腦，仲自己洋洋得意，傻仔一樣。」

快必咁搞，扮晒解放軍(或者公安)四圍拉人，其實係對內地的惡意誹謗，但現在政府不會採取行動，就讓這些失實講法不斷散播。

反對派用這種講大話當創作的形式反對一地兩檢，同早前民主黨用韓國電影《屍殺列車》，搞了套所謂二次創作、詆譭解放軍是喪屍，四圍捉人殺人，同樣是用極其誇張手法，脫離現實、盡情扭曲，務求嚇到你驚，煽動市民情緒反對一地兩檢。

問題係反對派這些手法誇張失實、不講道理，亦會激發阿爺用強硬手段應對香港問題，因反對派都已經唔講理性，用理性手法來說服他們已經不起作用。