挫折成王

早前講過應該給孩子一點挫折。今次講一個真實個案。

我有一位朋友，他係超級地產經紀王，如果了解過他坎坷的童年，自然明白他何以擁有這種打不死的超級性格。

這位經紀王朋友，他由地產經紀老散，做到營業董事，最近一年生意比較差，但過去幾年，極其風光，我估佢高峰期計埋佣金，年薪過千萬。

他做生意，真係好得，推銷豪宅予內地客，雖然有好多伙記，但仍然事事親力親為，經常自己飛上北京上海簽約，真係馬不停蹄。也不知道是什麼緣故，他有許多內地客人。

我問他點解做得咁掂？有這麼多內地客戶？他說內地豪客來香港買樓，人生路不熟，最怕給經紀呃，通常都會貨比三家，有時就算看了好多間樓，亦未必落到決定。他說要做得成生意，除了服務周到之外，關鍵還是死繞爛打，夠chur，夠勤力。他會搵好多盤給客人揀，不斷嘗試。客人要低價的，就搵平的；要靚裝的，就搵豪一些的；嫌舊嗎？就搵新的，要超值嗎？就搵銀主盤。客人要求的，他都盡力做到。總之，認錢唔認人，香港人也好. 大陸客也罷，都係米飯班主。

我又問他，點樣可以煉就出這樣的性格，他笑住回答，道理其實好簡單，這是環境使然，如果你有我這樣「饑渴」，你都會係咁！

聽完他的童年故事，真係好有粵語殘片feel，賺人熱淚。他三歲死阿爸，八歲死阿媽。在姨媽家裡長大。姨媽有六個仔女，佢等如係第七個，排在中間。一家九口，住在黃大仙公共屋邨。姨媽人倒不錯，但寄人籬下的感覺，非常難受。姨丈做三行，為人粗暴。食煙飲酒，稍有不如意者，小朋友也照樣「兜巴星」，他覺得自己不是姨丈親生仔，打起來特別大力。所以他自細許下宏願，一有機會就要離關這個「家」。可惜讀書成績麻麻，讀不成大學，只好出來打工。第一份工便是地產經紀，一做就是三十年。他說，如果不是父母早死，要寄人籬下，肯定不會有這種性格。

不要看經紀王朋友貴為營業董事這樣高級，他可以在太古廣場等客人買完名牌，先至去睇樓，一站就是兩三個小時，而且面不改容。點解要咁辛苦親自去？原因係他知道客人如果滿意他的服務，會帶來更多客人。雖然大陸人唔易湊，但勝在有錢，舊客帶來新客。錢就會繼續來。所以他絕不放過任何可以做得成生意的機會，而且唔想俾晒夥記做，怕做做吓個客跟埋夥記走。

聽完他的經歷，讓我覺得，我細個時都唔夠慘，如果小時候可以面對多些挫折，現在肯定會更加堅強啦。

黃毅力

** 博客文章文責自負,不代表本公司立場 **

最近有報導，學生或者畢業生去見工，將約會╱面試時間弄錯了，不只是一兩個小時，可能是一星期。這顯示他們對工作的態度；對時間的觀念完全找不著重點，與及對生命的重要性。

學生要負責，家長也一樣要負責。人的行為，是由小時候的習性培養，如果早上起床時賴床，趕搭公共交通工具或校巴時永遠都是遲到，也總是有一萬個理由。如果這樣，習慣就會變成性格。長大了後，上班可能除了頭一兩天是準時外，基本上其餘的日子天天都是遲到；當有這個態度，在職場上就沒有成功的條件，亦沒有可以立足的餘地。

遲到不單只顯示你對工作態度的不認真，更反映你在人生管理自己的生命時間亦是沒有編排，也沒有個人紀律。

沒有時間觀念的人，基本上是沒有事業成功的條件。有時間觀念的人，不單懂得如何去管理自己的時間，約束自己的時間。永遠都會比別人早十五分鐘或半小時到達現場去作好準備，這樣就可運籌帷幄，做每件事都達到最理想的效果。

這種惡習，罪過的不是兒女，而是父母。為何他們不從兒女小時候起在他們起床、用膳、及家庭約會時養成守時，有好的父母教導或父母願意投放專注力去教導，兒女必有成大器的條件。