Total War 是指一個國家整體軍事力量，不單只是以軍備來量度，亦量度其可以支持戰爭架構嘅經濟力量，即是平民百姓嘅產能，亦係戰略上要摧毀的目標。
睇番二次大戰，盟軍對德國及日本嘅平民目標，作地毯式轟炸，當中尤其以德國嘅Dresden及日本嘅東京，平民傷亡數字極大。此外，雖然袋鼠都同意，投下在 廣島及長崎嘅原子彈，的確加速了日本投降、提早結束戰爭，避免了攻打日本本土時對壘雙方的傷亡，亦提早結束日軍在佔領區的暴行 (『走日本仔』的上一輩更拍手感恩，完全可以理解)；但當時美國決策者，已經講明要以平民目標來衡量原子彈嘅威力 - 廣島、小倉、新潟及長崎 (好彩無選京都 - 是包括對中國人而言)，當時並未有受大規模空襲損毀，城市相對原整，是選址準則；袋鼠始終覺得，對於身處於和平日子的人來說，是不能夠接受這種戰爭真理。
國與國之間少攪民族主義，避免接近戰爭，最終點都會有共同利益。
如盧永雄先生在《知道歷史 改變未來》所講，『學習歷史，並不是想更新仇恨的記憶，尋求報復，而是想在當中探索經驗教訓，改變未來。』
歷史是一個昂貴的教訓，不應該被篡改，亦不應淪為政治工具。
鐮倉JR站，在廣場鍾樓附近有一塊陳年銅牌，感謝二次大戰時一個研究日本歷史的美國學者，爭取將歷史文化的古都，在轟炸目標名單中給剔除。但是位於伊拉克的『人類民化搖籃』及『肥沃的半月』(fertile crescent) 的文物，在美國的入侵伊拉克戰，以至現在的內戰，看來沒有咁好彩了。
大笨袋鼠
** 博客文章文責自負,不代表本公司立場 **
袋鼠曾經批評周南出動解放軍言論，在香港本身有法治機制，照計就算有暴力事件，紀律部隊都會有應變機制，無可能需要出動解放軍，更唔會有天安門失蹤人口嘅情況…
假如香港玫治爭駁，不幸發展成暴亂，下戒嚴令時將會好大鑊；但就算去到這個地步，都依然繼續係警察事務，唔使出軍隊… 應該好多人還記得，香港八十年代的球迷暴動、的士罷駛暴動 (唔記得當時彌敦道有沒有局部戒嚴呢？) 雖然都來不及左仔在五十年代後期、或六七年的暴動般血腥，但香港的日子也是如此渡過了吧！
以香港嘅學生、後生一輩嘅情況，六四事件不是可作參考嘅歷史… 最好參考的歷史，是80年代中期嘅南韓學生運動，如何被政客利用。
簡單而言，當時軍政府統治，學生要求反貪及選舉，據聞當時學生示威係較準時間，好使美國電視台晚間新聞有片睇… 後來選舉爭取到了，除了之前一個由前軍政府總統全斗煥欽點嘅盧泰愚參選，而所謂民主派就另外走出兩個侯選人參選，結果兩個民主派候選人分薄選票，最終都係選咗盧泰愚，迎接漢城奧運。
當然，南韓學生是否浪費了熱血？ 一半一半啦，選舉就是有了，但現在南韓經濟體系中，絕大多數人，還不是直接或間接勞役於幾大家族企業之中，軍政府時代遺留的產物？而且當時選出盧泰愚的一刻，大慨過半南韓人，應該覺得被一些所謂政治領袖玩死吧！
而家泛民各為其政，有部份更自把自為，加上2012年立法會選舉分薄票源嘅情況，尚無檢討及妥協嘅共識，俾佢班友直選都選唔入啦！在大多數外國嘅選舉，獲全民六成選票已經叫做『landslide』(大獲全勝)架嘞，但泛民班友竟然在2012嘅直選席位只係贏多一席，死唔死得？
要講公道說話 (只係袋鼠角度而言，其他觀點可能唔同意…無相干…)，都講得七七八八，與此同時，與其自己嚇自己，倒不如講到成個香港死硬，嚇吓其他啲唔諗嘢嘅股民、及唔受得嚇嘅芬佬，嚇到所有人都瞓唔著，袋鼠同你跟主席一齊沽低個市，再睇底位撈貨… 呵呵~~
有人真係怕，沽完期指，再買張機票去東南亞、或日本南韓旅行囉！呵呵~~
