預算案遇上特首新春酒會

今日財政司司長陳茂波公佈新一屆政府任內第一份預算案。財爺上晝11點在立法局宣讀預算案，午後先開記者會，到四點半再開老總吹風會。

不過，特首的新春酒會剛好在今天下午五點舉行，時間撞正財爺吹風會，部分老總只能二揀一。咁多重要活動撞在一起，傳媒疲於奔命。

講返今日的特首新春酒會，被認為係「權貴酒會」，原來特首仲有一個平民版的新春酒會，昨日已經舉行了，佢請咗二三百個政府外判清潔同埋保安員工，去禮賓府聚會。

圖:特首在facebook上面放出和清潔和保安工人聚會的影片。

圖:特首在facebook上面放出和清潔和保安工人聚會的影片。

講起呢個平民版酒會，原來有段古。話說特首見到日本駐港總領事，對方講起日本有一個傳統，日本的縣長會請當地嘅清潔工人，每年聚會一次，感謝他們的辛勤勞動。特首覺得呢個活動幾好，所以就搞類似的活動，搵政府外判的清潔公司，提名一些代表，請他們到禮賓府，感謝佢哋一年辛勤的工作。

Ariel

** 博客文章文責自負,不代表本公司立場 **

行政長官林鄭月娥早前出席中華廠商會會董就職禮晚宴致辭時，率先披露財政預算案的經濟數據，指去年全年實質經濟增長預計不少於3.7%，失業率亦跌至近20年新低，林鄭又形容財政預算案充滿驚喜。

Ariel 今日遇到政府高人，就問起佢明天公布的財政預算案是否真有驚喜。高人問為何出此言？Ariel話早前特首講過，預算案有驚喜，所以大家有此預期。

高人就話當日特首的說話，被斷章取義了。當時主持人話預算案係唔係充滿驚喜？特首順住問題講，話要大家睇睇預算案係唔係有驚喜，但係講話被斬咗一截報導出來，就變成特首預告預算案有驚喜。

聽完高人咁講，大家千祈唔好預計預算案會派6000元俾大家，去製造一個驚喜喇。