搭港鐵有人三急點算好？
網上圖片
有網民今午1時許乘搭港鐵將軍澳往北角方向時，竟然驚見一名婦人「旁若無人踎喺地鐵入面屙尿」，嚇得他拍照並上傳至「將軍澳群組」。他又重申，不想公審他人於是自行打格，但事件令他感到傷心，不明白為何會有人如此無公德心：「點解香港會變成咁樣？」
港鐵表示，在將軍澳綫及港島綫並無收到有關個案，不清楚情況。港鐵表示，一般而言，部分車站設有公共洗手間可使用，在沒有公共洗手間的車站，有需要可聯絡職員借用洗手間。
由照片可見，婦人並沒有除下牛仔褲蹲在車廂內，有黃色疑似尿液從褲滲出，目擊者坦言「估唔到日光日白都有人可以旁若無人踎喺地鐵入面屙尿。」帖文上載短短半小時已經有近百個留言，不少網民對事件感到嘩然，批評事件噁心，影響衞生。
但亦有網民認為對方是身體有毛病：「我覺得似失禁多啲喎」，但隨即有人反駁她可以使用成人尿片：「如生理上的病老人家出街都識用紙尿褲啦！我唔明點解之後可以若無其事，一係精神有問題，自己做咩都唔知。」
