程瑤到莫斯科又工作又朝聖好忙！
程瑤到莫斯科工作亦不忙遊覽城市。
曾參選1991年亞洲小姐競選的程瑤與老公朱仲賢的公司早前到莫斯科舉行活動，更找來蘇永康、林曉峰及劉穎鏇擔任活動司儀及表演嘉賓。而林曉峰老婆康子妮更做「跟得夫人」，陪老公到莫斯科工作。適逢當地將於下月舉行世界盃，一行人趁空檔走訪舉行世界盃賽事場地之一的盧日尼基體育場，提早感受一下這個足球盛事。
程瑤與老公找來蘇永康、林曉峰及劉穎鏇參與活動。
程瑤透露兩名兒子熱愛足球，故於當地買了很多世界杯紀念品，其後一行人吃晚飯離開時發生小插曲，她表示︰「當我們臨走call車，司機原來去錯了門口等，而我們起初不知道，結果在餐廳門外等了很久，等了20分鐘覺得唔對路，先知道原來去錯了地方。當晚又大風又冷，結果康子妮凍到氣管炎，我老公不斷流眼水。」
她又分享一行人吃完晚餐離開時的小插曲。
完成莫斯科行程後，程瑤與林曉峰及劉穎鏇飛到荷蘭會合陳曉東繼續工作，提到之前與老公慶祝18周年時﹐對方承諾今次歐洲之行讓她瘋狂購物，程瑤對此表示︰「這次買了很多東西，老公大出血，最特別是一條紅色十字架寶石頸鍊。」
程瑤在莫斯科的工作結束後又要飛往荷蘭與陳曉東會合。
此外，程瑤表示特地走去電影《古惑仔》取景的地方「朝聖」，她表示︰「去了古惑仔拍攝那酒樓和伊健跳的那條河，我和老公喜歡那電影系列，我們和電影中大部分主角都相熟，所以份外親切。」她又指去了當地的「紅燈區」見識，直言大開眼界︰「去到其實有少少驚同緊張，真係大開眼界，咩身材年紀都有，本來諗住捉埋陳曉東一齊去，不過佢趕飛機所以冇去到。」
歷代「獎老」Reunion ！
清談節目《MORAZ天然草本驅蚊靈呈獻：Mayanne小喇叭》由麥美恩（Mayanne）擔任主持，曾展望（GM）擔任助理主持，本周四及五晚10點半翡翠台播映最後兩集。
Super~~
由於蘭茜講嘢相對正經，即刻激發咗嘉樂嘅「口賤」神經。
「大師兄」原來係暗藏特別任務架。
林曉峰初初做第一輯時直認好驚獎門人。
林曉峰笑言首度與獎門人會面時，排場似足電影《無間道》韓琛食飯經典場口。
今晚（18日）一集，兼任《獎門人》現任獎老的Mayanne，邀得四位獎老界前輩林曉峰、錢嘉樂、蘭茜及阮兆祥（按加入年期順序）擔任嘉賓，大談參與《獎門人》拍攝的喜與樂。四人之中，雖然嘉樂被專稱「大師兄」，但原來第一代獎老竟是林曉峰（阿Lo）及陳小春，阿Lo大爆當年嘉樂之所以被「獎門人」曾志偉睇中接小春棒，全因「把口夠賤」；嘉樂憶述當年接到獎門人邀約電話時相當意外，並笑言全靠獎門人自己的口賤才能才得以跳出武師界。談到獎門人當年為何睇中阿Lo，原因竟和張國榮和一條鞋帶有關，阿Lo說：「嗰時拍《金枝玉葉》，有一場戲講張國榮先生上樓梯，我做助手跟住後面，當時佢唔知左腳定右腳甩咗鞋帶。拍完嗰場後我哋放Break，返到嚟個甩嘅鞋帶就調轉咗喺另一隻腳。當時導演嗌完Roll機後，我就嗌『咪住，好似唔連戲喎』，大家咪即刻睇番錄影帶：『係喎』。嗰日原來獎門人都喺現場，佢心諗原來呢條𡃁仔都幾上心，就搵佢嚟做嘢啦。」至於蘭茜擔任獎老的原因，則與玩獎門人遊戲時全情投入「刨西瓜」及「刨粟米」有關。祥仔則暢談當年如何與志偉、洪天明及鄧兆尊夾計，以各人的腳毛及腋窩毛整蠱遲入組的姚樂怡，最後遭樂怡喊打喊殺，十分搞笑。
估唔到一條鞋帶咁細微嘅嘢，都會畀阿Lo留意到，再畀志偉發現到阿Lo細心嘅一面，足證志偉係幾咁積極同樂意提攜後輩。
錢嘉樂透露未做《獎門人》之前，自己其實算是寡言的人。
蘭茜回想當年玩遊戲時係幾咁投入。
嘉樂大嘆遊戲節目幕後唔易做。
麥美恩都好記得當年姚樂怡係點樣被整蠱，仲大嘆「童年被污染」。
阿Lo仲搞笑大談自己如何成為「公司殺手」。
阿Lo同「大師兄」齊齊回味當年一起創作的「嘉賓名字歌」，仲扮番當年獎門人點把關。
阿Lo重演當年點樣馬拉松式開會開到靈魂出竅。
嘉樂講嘢時係咁向上望，當時阿Lo已懷疑獎門人會唔會已經喺現場。
四人還大談當年錄影《獎門人》的「宵夜度橋日常」，當年因為電視台大戰，《獎門人》最高峯一星期連播五晚，阿Lo大方分享了當年的度橋及上班流程日常：「下午三點返嚟開會，一路開到八點五十分。當年我哋就諗咗改歌詞唱啲嘉賓名出嚟，咁每日揸車就要度18隻歌，每個嘉賓要有3隻，返到去獎門人就會坐喺度問邊隻好笑。然後度度度度到食飯，其實係食唔落架喎。有時做到一點鐘左右收廠，但未完架，喺化妝間再開會，開到三點度，跟住就宵夜架喇，然後再搵地方。記得有一次打風，我哋搵到地方時已天光，成六點幾七點。」
阿Lo嘉樂鬥扮獎門人。
阿Lo嘉樂鬥扮獎門人。
獎門人踩場！
全集最驚喜部分，是當眾人輪流模仿獎門人時，頑皮的志偉即手持小喇叭走入廠送驚喜，令當時除掉雙鞋跪地扮緊志偉的嘉樂大嗌驚驚。志偉一到埗即扮作氣沖沖搞笑謂：「幾多人打電話畀我呀，問：『你仲唔落去？佢哋踩到你一文不值呀！』」之後眾人瘋狂互窒，混亂間曾展望竟大叫志偉「Daddy」，隨即惹起哄動，志偉反應極快接招謂：「出得街架咩？你話畀大家聽媽咪係邊個？！」並親解為何被專稱「阿爸」，志偉說：「阿爸負責畀錢（埋單）架嘛，咁咪叫阿爸咯。」蘭茜聞言即指志偉另一外號是「埋單俠」。另志偉又會親解《獎門人》換主題曲之謎，答案更相當有愛，並與小朋友有莫大關係，欲知詳情？密切留意節目。
獎門人嚟咗氣氛即時升溫。
曾展望叫Daddy，嚇到志偉即刻望錶，現場陷入一片喧鬧。
