美國有統計數字顯示，總統4年任期中，第二年的第二及第三季是4年中最差的季度，到第四季便好轉，特別是10月開始形勢就會轉變，11月便是美國中期選舉。
歷史數據只可作參考，不可信到十足，但今年特朗普中期選舉年，走勢確實如此，現在已6月近尾，第二季快完，美股走勢確麻麻地，大陸股市更差，拖住港股後腿。
圖：杜指一年圖
中期選舉前的兩季，美股特差，可能是因為過了總統選舉興奮之年，股市也要抖抖。至挨近中期選舉，總統又會出招，令股市好轉，這次美國中期選舉，由於總統特朗普向全世界發動貿易戰，搞得大市極其波動，所以港股都下插，若作為炒賣者，都係炒高就沽，炒低就揸，再跌就打靶，只能順市況而行。
但若有大量現金在手，買不夠貨，想中長線持有，又不妨6月吸一注，現在恒指在29200左右，都算短期低位，當然分注買入，可以根據指數水平決定，但也可以根據時間決定，6 月跌市買啲，7 月再買啲，拉長時間買入，該可以抄抄中期選舉前小底，期望美股第四季好轉，帶動港股向上。
圖：恒指一年圖
當然，咁做要面對一項風險，就是特朗普「來真的」，真要打一場貿易大戰，若然如此，港股真要再深度向下，不過拉長時間入貨，一定程度可分散風險，因特朗普如要出招，一定會在選舉前幾個月出辣招，希望可以攞分。
無論如何，我覺得可搏一搏，搏特朗普選完後，對貿易問題鬆點手。固然，食得鹹魚抵得渴，要預備萬一特朗普真係玩大左，風險仍可承受，才好入場。
陸羽仁
** 博客文章文責自負,不代表本公司立場 **
