博客文章
最近在網上平台出現了一段廣告片，主角是一位小朋友，拍得像電影，頗引起注意。
廣告中，有個小孩拼盡全力保護一隻雞蛋，睡覺抱著用盒子盛載好的雞蛋，上學途中無論遇上潑水、碰撞，都堅決保護雞蛋不受損傷，但最後難免脫手，雞蛋險些跌在地上，千鈞一髮之際，一位男士飛身撲救，接住雞蛋。
看到這裏，Sebastian發現原來這是滙豐保險一系列重塑品牌行動之一，談及保險公司廣告，幾乎千篇一律講保障和信任，大品牌就講可靠、講規模。
滙豐控股無人不識，但滙豐保險知名度及形像，未夠鮮明，如何借助母公司品牌的優勢，例如可靠穩陣，但同時又令人覺得滙豐保險年青有活力，是重塑品牌目標之一。
廣告的口號是：「承諾之後，才是承諾開始」。許下承諾並不艱難，往後的日子堅持、拼搏到實現承諾，才是重點。從而帶出滙豐保險的角色，就是有時候會發生難以預期的事情，單靠一人之力不能一一克服。所以，有滙豐在身邊默默支持，需要的時候伸出援手，協助度過難關，最後承諾終會兌現。
廣告以小朋友保護雞蛋作主題，有點新意思，小朋友當主角容易令人有好感，令這段廣告看來都引起話題。
Sebastian
** 博客文章文責自負,不代表本公司立場 **
一年一度中環鬼馬盛事「鼠戰中環」今早舉行，立法會議員同傳媒人組隊出賽，讙員不分黨派，有民建聯周浩鼎、工聯會麥美娟及民主黨鄺俊宇一齊上陣。傳媒代表亦有記協主席楊健興、前有線主播張宏艷等落場。
議員年紀輕啲、運動多啲，自然係搶眼好多。鄺神平日有打籃球，跑咁短途無難度。周浩鼎練慣跑，有時在立法會唔食飯走去跑步，運動量十足。而麥美娟就落區當運動，日日都行多過一萬步。相對地年資同年齡都有番咁上下的傳媒代表，的確弱少少啦。
立法會周浩鼎(右2)、麥美娟(右3)同鄺俊宇(左2)，拍住包括記協主席楊健興等傳媒代表落場參加鼠戰中環。
至於打扮亦係議員隊出位，周浩鼎為搏阿仔一笑，以全套大隻Batman look登場，阿仔見到佢咁款已好happy。
鼎鼎(左1)的Batman look為博阿仔一笑，麥美娟(中)則作西方淑女打扮。
講番個比賽，議員傳媒隊好斯文，唔似其他隊咁勇。年輕的鄺神跑第一棒，鄺神係議員，起步時好禮讓，無攝前位，出閘就有少少落後。第二棒的麥美娟亦甚斯文，捐吹氣障礙時有少少過唔到，速度慢咗少少，就繼續落後。
鄺神(中)的西方少年男神look比較克制。
中間幾棒嘅傳媒人表現一般般，焦點落喺守住最後一棒的鼎鼎身上，佢不負眾望，雖然接棒時落後唔少，但佢如有神助起勢衝，最後追番好多，在52隊中以中游成績衝線，唔係包尾大班，都算唔錯啦。
