東週刊今日搞咗個15週年慶典及經典品牌頒獎典禮，請咗特首林鄭做主禮嘉賓，就出就出現人稱「炒河」的星島集團主席何柱國遇上林鄭的場面。
炒何發言出名辣，佢先上台發言，講起風災，已經算比較客氣，話要講句公道話，香港風災無死人，菲律賓及美國風災都會死人，香港係幸運，政府事先亦安排得好。至於交通問題，下次改善就得。
何柱國（左）和林鄭月娥（右）同場現身。
但炒何話鋒一轉，講到個幾月前的舊事，話有張報紙的專欄作者余錦賢，呢條木咀話，星島寫有關港獨的東西，只是建制派意思，並不反映中央的意見。可能佢俾毒蚊針到，白痴兼無腦，可以叫「余腦炎」。港獨問題，國家主席習近平早已講過，佢篇文出嚟之後，中央港澳工作協調小組組長韓正亦講，港獨不能縱容。
炒何又插覓地小組，話班人係廢柴，小組約過佢食飯，呢班人額頭寫住「高球場」幾個字，淨係針對高球場。炒何認為，要覓地，就要填海，要同發展商合作，要搵棕地，無其他方法。
東周刊活動有好多猛人出席。
到林鄭講嘢啦，佢話，「活動前東周刊話要改rundown，俾特首講先，好彩我呢個特首辦主任醒目，我呢個同事係最叻，佢話千祈唔好制，你一定要比何生講先，然後我要回應，特首講的先算數。」
林鄭話她對香港負責，也對中央負責。特區政府並不是好似某報所講，縱容港獨。而土地小組絕對唔廢，相反做咗好多嘢，到如今仍然有人認為香港不是缺地1200公頃，認為政府誇大，覓地小組只是令公眾有危機感，也是好事。
林鄭演講最後一段也借題發揮，今天是東周刊經典品牌頒獎禮，品牌要有三個特質，credibility、reliability、與時並進。東周長遠能否做到，大家拭目以待。
有現場觀眾話，當「炒何」遇上林鄭，火藥味好重喎。
Ariel
** 博客文章文責自負,不代表本公司立場 **
