在佔中火頭未熄之際，澳洲傳媒爆出CY在曾收取澳洲一間上市公司近五千萬港元「秘密報酬」，以支持間公司在亞洲區擴張業務。
不過這個所謂秘密報酬，其實同澳洲UGL集團收購梁振英有股份的DTZ測量師行有關。那時CY是DTZ亞太區最高負責人，UGL俾錢他，只是收購時對高級管理層作出的賠償安排而矣。
網上報道亦都漏出咗一封，由澳洲UGL集團總裁Richard Leupen寫的信，以及幾頁紙的附件，列出一些付款賠償的條件。UGL承諾給予梁振英四百萬英鎊，當中包括 DTZ 欠他的一筆一百五十萬英鎊花紅，以及保證高級管理層不會離職、協助 UGL 推廣業務，或離職後不與 UGL競爭的酬勞。
政壇高人話睇落公開的文件，似係收購補償安排，根據條款，若離職後，CY不能同戴德量行競爭，亦不能挖走公司高層同事，之後亦不能再走回去同戴德量行爭生意，有關俾錢似係賠償安排，唔係買呢個特首支持DTZ未來的業務。
據聞UGL同CY簽呢份合約，UGL肯賠償以換取他不能與戴德量行爭生意，多少亦與當時政局有關，份約係2011年簽，大家記得，當時CY辭職選特首，其實未知能否選上，尤其2011年時，好多傳媒報道CY係冷馬，澳洲UGL公司都覺得係咁。所以為防止CY輸咗後，返來另起爐灶，定下佢唔可以走回頭在同一個領域爭生意，因而作出賠償。
Ariel
** 博客文章文責自負,不代表本公司立場 **
