肥佬黎現身叫先撤金鐘

昨日講到泛民大粒佬組織鬆散聯盟，志在奪學聯對佔中運動的領導權，怕學生搞到運動失控令泛民受累，想縮減街頭戰線，集中在議會倒梁。

現時最亂的區是旺角，最少人的區是金鐘道，佔中發起人之一陳健民就承認，內部對是否佔金鐘道意見有劇烈分歧。肥佬黎就現身開腔，對《蘋果日報》話，「現時金鐘道和銅鑼灣只有少數人留守，有關留守人士應該考慮撤離，改為集中在金鐘夏慤道佔領，以減少對交通的影響，同時避免消耗民心，以便與政府長期作戰。」

肥佬黎又話：「我哋呢個運動係長期運動，唔可以希望今次我哋佔中運動，就可以達成我哋想要嘅嘢，我覺得係無可能嘅，就算宜家林鄭同學生談判，都會失敗居多，會有好多次不同談判，最後會否得到結果，現時未知，但就唔樂觀。」

肥佬黎擔心，「一旦運動消耗民心，令市民對運動產生厭惡，不再支持和參與，香港人將難再掀起另一個公民抗命運動，所以宜家我地要慎重考慮嘅，係點樣做一個好好嘅運動，鞏固喺金鐘，同埋做一個好好嘅完結，去能夠保留民心，使到我哋以後需要再上街時，有更多人支持、更多市民參與、學生更踴躍，咁樣我哋個運動先有力量，如我哋拖爛咗個尾、消耗咗民心，以後我哋嘅力量就會越來越細」。

佢提到金鐘夏愨道是否亦要撤退時話：「夏愨道每晚都有一、二千人來，可以維持住呢度先，其他地方得幾十個人，無必要消耗民心。」

肥佬黎是泛民大粒佬的幕後揸飛人，佢呢番講話，已傳達了最高指示，就是盡量從街頭撤退，改入議會打「狼英」啦。

Ariel

** 博客文章文責自負,不代表本公司立場 **

特區政府在昨晚宣布擱置與學生對話，學聯、學民大表失望。政務司司長林鄭話因為學聯等在昨日下午5時宣布將不合作運動升級，所以暫停對話。

其實對話搞唔成係意料中事，雙方都無乜意願對話，即使對話亦沒有什麼期望。在運動風頭火勢時，學聯都有少少意外驚喜，但又怕政府強硬清場，所以在大學校長勸說後，撤回要特首辭職、人大收回成命等對話前題，促成對話談判。而政府當時面對不斷升溫的危局，清場的壓力不低，又無法抗拒「對話」這個良好命題，一見學聯話無條件對話，即時收貨。

但大家心照，立場南轅北轍，對話無好結果。聞說初時對話時間是周三，學聯建議改周五，政府認為周五對完話無結果，學聯學民又會叫人在周末上街，真係唔對好過對。

其實今次擱置對話是政府採取主動，借學聯等提出「不合作運動」來反枱。反正看到泛民內部不少大粒佬都想將戰線移向議會，不想堅持佔街，取消對話也不見得差過對話了。

至於學生方面，本來下午時學聯在記者會的說法是「堅持佔據廣場」，但到政府擱置對話時又話「堅守街頭」，今晚7點半又在金鐘搞堅守街頭晚會，都有少少升溫味道。