澳洲媒體Fairfax Media爆出梁振英收受巨額酬勞。有份調查的記者John
Garnaut接受「美國之音」訪問時透露，有關消息是「匿名舉報」。佢話上周日收到匿名人士提供份合約，他不願猜測是哪一方泄露呢啲資料。
佢話獲得匿名舉報資料係上周日，即係佔中踏入第八日，呢個日子Ariel好有印象，呢日可以話係佔中以來最兇險的一日，政府提出必須在第二日打通政總返工的通道，全國政協副主席董建華同終審法院前首席法官李國能等有份量的人士，發聲明公開呼籲示威者撤離。
Ariel認識的一位政壇高人在那天亦通過氣，話情勢有啲危，若不改善要清場。不過最後出現咗死線前的轉機，Ariel都有寫文同大家分享過。
呢位老外記者在訪問中形容，連續多日出現前所未有的公民抗命行動，令香港道路癱瘓，要求梁振英下台，「任何損害梁振英的資料，都極具新聞價值，我不會與你爭拗這事」，開始向有關方面查證。
俾料的匿名者可以成份合約俾到記者手，都真係幾有料到，都應該係有心掟炸彈啦，就好似選舉時掟手榴彈炸人的目的，配合到示威者的訴求，而選擇澳洲媒體亦都有相當的手法，一是間公司在澳洲上市，二亦都有在外面爆番嚟香港的效果。
Ariel
** 博客文章文責自負,不代表本公司立場 **
昨日講到泛民大粒佬組織鬆散聯盟，志在奪學聯對佔中運動的領導權，怕學生搞到運動失控令泛民受累，想縮減街頭戰線，集中在議會倒梁。
現時最亂的區是旺角，最少人的區是金鐘道，佔中發起人之一陳健民就承認，內部對是否佔金鐘道意見有劇烈分歧。肥佬黎就現身開腔，對《蘋果日報》話，「現時金鐘道和銅鑼灣只有少數人留守，有關留守人士應該考慮撤離，改為集中在金鐘夏慤道佔領，以減少對交通的影響，同時避免消耗民心，以便與政府長期作戰。」
肥佬黎又話：「我哋呢個運動係長期運動，唔可以希望今次我哋佔中運動，就可以達成我哋想要嘅嘢，我覺得係無可能嘅，就算宜家林鄭同學生談判，都會失敗居多，會有好多次不同談判，最後會否得到結果，現時未知，但就唔樂觀。」
肥佬黎擔心，「一旦運動消耗民心，令市民對運動產生厭惡，不再支持和參與，香港人將難再掀起另一個公民抗命運動，所以宜家我地要慎重考慮嘅，係點樣做一個好好嘅運動，鞏固喺金鐘，同埋做一個好好嘅完結，去能夠保留民心，使到我哋以後需要再上街時，有更多人支持、更多市民參與、學生更踴躍，咁樣我哋個運動先有力量，如我哋拖爛咗個尾、消耗咗民心，以後我哋嘅力量就會越來越細」。
佢提到金鐘夏愨道是否亦要撤退時話：「夏愨道每晚都有一、二千人來，可以維持住呢度先，其他地方得幾十個人，無必要消耗民心。」
肥佬黎是泛民大粒佬的幕後揸飛人，佢呢番講話，已傳達了最高指示，就是盡量從街頭撤退，改入議會打「狼英」啦。
