政事
政府上周擱置和學聯談判後，被質疑無對話誠意，佔領人士開出條件，要求政府開放政府總部公民廣場，以換取開放金鐘道。
政府中午發出新聞稿回應示威人士要求，指政府總部東翼前地是政府總部一部分，大量的人群聚集會嚴重影響政總的運作、構成政總和周邊地方的安全風險，因此不會考慮開放。
但外界未有留意，政府同時提出其他地點予示威者。發言人呼籲示威人士遞到其他地方集會，建議他們使用面積較大而不妨礙交通和市民正常生活的添馬公園及中西區海濱長廊（中環段）、維多利亞公園大草坪和旺角麥花臣遊樂場等地方，作有時限的聚集，政府相關部門會予以配合。
政府消息人士話，他們此舉是釋出善意，包括第一，以三個公園作示威，以結束馬路佔領，第二，回歸10月2日和學聯談到的對話基礎，在憲法和法律原則上談政改。佢認為對話之門仍然打開咁話。
Ariel
** 博客文章文責自負,不代表本公司立場 **
佔中行動持續兩周以上，人民日報海外版曾指佔中為「動亂」，國務院副總理汪洋今日就直指佔中是顏色革命，他訪問俄羅斯時話，西方支持反對派試圖在香港製造顏色革命，在這一形勢下，中國與俄羅斯應該更加團結，鞏固戰略合作，認為這是對西方最有力的回應。阿爺對佔中語氣愈來愈重。
以前泛民遇到這些批評，老例唔認，話人屈佢。但呢排爆料爆到過巷，今日又有「旺角腦場起底組」發電郵到報館，大爆李卓人內幕，話由人哥擔任秘書長的職工盟，由1994年起，每年都向美國國家民主基金會（NED）旗下的美國國際勞工團結中心申請捐贈，累計收取超過1300萬元，認真唔係少數目。爆料者質疑職工盟有否依足法例，就有關資助向稅局報稅。
美國出晒名在不同地區搞顏色革命，職工盟收美國組織這麼多錢，受人錢財替人消災，如今佔中搞到收唔到科，真係想唔認收錢搞顏色革命都唔得。Ariel真係唔係幾明，近10年政府大把錢俾工會搞再培訓，包括職工盟在內的各大工會搞呢啲課程都賺到笑，職工盟使唔使咁唔爭氣，真接收美國佬錢，搞到咁鬼肉酸? 而且按泛民邏輯，乜都話有利益衝突，佢地收美國佬錢後，鬧大陸之時，點解又無先作利益申報?
呢個爆料者揭露其中一些職工盟中人和其他組織通的電郵，講到稅局和廉署查緊李卓人，要改一改貸款的帳目。表面睇呢啲行為已有妨礙司法公正之嫌，真係睇落都覺得好得人驚喎。
