佔中派大力加建鞏固陣地

 金鐘中午發生反佔中人士金鐘道拆路障，爆發衝突事件後，佔中人士在各「佔領區」進行加固工作，睇吓網上傳來的相片，搭棚、倒水泥，乜者有，真係愈加愈牢固，唔講以為係一個小型戰鬥地。

旺角的佔領區亦都執輸，晚上有人送來十八個帳篷，齊齊整整排喺度，俾佔領者輪流休息之用，咁咪方便示威者長期留守囉。

Ariel

** 博客文章文責自負,不代表本公司立場 **

近排好活躍的梁錦松今晚又蒲頭，出席演講，請他出來的是董伯伯之友鄭慕智搞的青少年發展企業聯盟，阿松講兒童發展，但講到好多同政策有關的問題。

阿松講到時政，話依家最多人講佔中，但商界最關心香港的競爭力，佢講到要拆牆鬆縛，又講點樣創業。

佢對一啲政策都有批評，例如限買奶粉，大陸人來買奶粉，好似買白粉咁俾人捉。只因籌備得唔好，供應不足，就要搞封港政策。

雖然阿松無講好激的事情，但政壇八卦友就認為，阿松咁積極，好有熱身感覺，似想下屆出來選特首喎。