魔童明彈亞記暗會王征

魔童都古惑啦，佢昨日在報章專欄還在暗諷亞視，怎知轉個頭又和亞視真老闆王征會面，真係世事如棋局局新啦。

魔童今日在香港經濟日報的專欄以「自由人」為題，講起「昨天從收音機中聽到一個電視台高層的訪問，真讓我感到非常悲哀。我認識這位高層多年，他是個好人，但他在訪問中所說的，真的是他所想嗎？還是為了生活，被逼違背真相說假話？」

魔童所講的電視台高層應是指亞視的葉家寶，因為葉家寶昨天在商台陳志雲主持的「晴朗」節目上，話亞視只是節目「重溫」，而非「重播」，兩者有分別。老實講葉家寶的講法又真係幾夾硬嚟，不過魔童既然約咗人地老細今日食飯，點解還在報上暗轟亞記?

八卦友有兩種解讀，一種話王維基性格本來就係鐘意就講，就因為約咗王征食飯，所以唔開葉家寶和亞記個名，已經算做俾面。另又一種就話佢係鬧吓扮到同亞記無關，事前唔知會俾人映到佢同王征密會。

無論如何，魔童又翻生搞嘢，今趟加入洽購亞記的行列，「基迷」都應該精神一振啩。

巴士的團隊

Ariel

** 博客文章文責自負,不代表本公司立場 **

政改諮詢出台前，政府新聞「心戰室」大換班，最受矚目當然要數前民主黨中常委馮煒光「大熱」跑出，成為新一任IC(新聞統籌專員)。

話說大半個月前江湖一度傳出馮專員可能墮馬，當時我哋Gossip吧，亦都湊熱鬧寫咗篇文，話收到消息指佢仍然大熱，人選好快會公布。拙文一出，有記者、新聞處人員、政務官都向馮生查問佢前程，本來外界預咗當事人一係否認，一係承認，又或者繼續「不予置評」啫，點知做得專員自有出位之處，馮生竟將本網拙文的連結射俾打聽的人士，將拙文當作回應! 聞說收到行家或者政府中人叫到咁新穎的回應都「O」曬嘴，唔知應該點理解。

馮生的創意手法，惹來有人質疑本網「巴士的團隊」同馮生「打籠通」，傳聞係咁，話佢見政府咁耐都無聲氣，怕件事冷冷吓就死咗，所以特登搵我地為佢放料，保持熱度之餘，又向政府施吓壓咁話。查實「巴士的團隊」都想在此鄭重澄清：真係冇呢回事！我地出篇文之前甚至無聯絡過馮生，大家唔係咁熟。

馮生雖然未上任，已十分留意傳媒的報道，本網其中一位博客chanchan傍晚上載博文論及新專員任命，馮生即留意此段落：”為認識梁振英，曾專程到其山頂跑步的路途跑步，並在事前熟讀其文章和對問題的看法，以便交談”。

 

並作出以下回應：
「沒有其事。我跑步的途徑是由海怡至淺水灣（有過去數月Facebook和微信為證）。根本不可能見到梁生。」

馮專員連博客文章都睇埋，馬上回應，至少勤力一樣可以攞分啦。

  

不是冤家不聚頭乎

機場三跑道帶出高球場用地之爭，機管主席張建東同董事會成員羅康瑞拍曬枱兼反面，有時世事就係咁玄，兩位都係政商名人，又熱心服務出任不少公職，仲要同科大好有緣，一個係科大校董會主席，一個係科大顧問委員會榮譽主席，科大有活動，都好難避免同場出席。

 

今日科大邀請咗諾貝爾經濟學獎得主Christopher Pissarides 教授來主講，在一個午餐會，兩會科大高層不單止碰面，而且仲同枱用膳，當然我哋都深信兩位都係發展理念上有些少分歧啫，唔係有咩「深仇大恨」。不過有與會者發覺兩人全場都近乎零交流，難為了坐於中間的Christopher Pissarides教授夫人囉。

巴士的團隊