林鄭出蛇羮羊腩煲打動白雪仙出山 仙姐仍然猛搖頭...

特首林鄭月娥近日壓力甚大，覺得好多事情都好艱巨，好易有感而發，昨晚（1月20日）她主持西九戲曲中心開幕首演，致辭時提起戲曲中心的工程同樣艱巨，仲講起佢原來親自出馬去打動「仙姐」白雪仙，出任開幕劇目的藝術總監。

特首打算「雞脾打人牙骹軟」請仙姐出山。

戲曲中心開幕劇是名劇《再世紅梅記》。林鄭講起自己邀請仙姐做開幕劇藝術總監方面「有功勞」，她做政務司長時，透過前立法會議員劉千石，邀請仙姐到政務司長官邸晚宴，事前探聽到仙姐最愛羊腩煲和蛇羮，就準備好，計劃「雞脾打人牙骹軟」。

西九戲曲中心

林鄭話，仙姐食完，猛咁搖頭，心想難道收錯風，仙姐不喜歡食這些東西？唯有不斷解釋。最後才知仙姐聽力不好，只是一邊耳仔帶了耳機，她在另一邊講，仙姐搖頭是說她聽不到。仙姐最後都答應幫手。

林鄭晚睇完《再世紅梅記》首演，又會趕去機場，凌晨搭夜機飛歐洲，出席達沃斯世界經濟論壇，終於可以離開香港這個是非之地了。

Sebastian

** 博客文章文責自負,不代表本公司立場 **

近日流行玩「十年前後挑戰」（10 Years Challenge），人人把自己十年前、十年後的相片放上Facebook，高官都玩埋一份，新聞主播鄭萃雯十年前後居然一點都無變，仍然靚爆鏡。

鄭萃雯十年前後幾乎無變。

無線新聞主播鄭萃雯在個人專頁上載對比照，同樣坐同在電腦枱前，擺相同嘅pose，樣貎一點都無變，「省鏡」依然，網民留言大讚「點解我唔覺有變」、「仲靚咗」、「不老的傳說」。真係大家都想向佢偷師，點先可以keep得咁好?

聶德權都Keep得唔錯。

不過，兩位男局長各有特色，政制及內地事務局長聶德權上載自己十年前後嘅對比圖，話自己十年前做社署署長，成日探訪需要關懷嘅人，十年後工作崗位就變咗。唔知係咪經常運動，所以聶德權十年前後都分別唔大，唔講仲以為只係昨日同今日對比。

黃錦星的分別就......

環境局局長黃錦星就索性玩大啲，貼出自己三十年前的相片，與今日作對比，後生時頭髮濃密，話「眨眼三十幾年！年輕時，已酷愛郊遊、行山及露營」，然後話題一轉，宣傳環保，「為環境揼少啲慳多啲」。網民關注黃錦星一髮不留，話「局長果然從源『頭』減廢」。