近日流行玩「十年前後挑戰」（10 Years Challenge），人人把自己十年前、十年後的相片放上Facebook，高官都玩埋一份，新聞主播鄭萃雯十年前後居然一點都無變，仍然靚爆鏡。
鄭萃雯十年前後幾乎無變。
無線新聞主播鄭萃雯在個人專頁上載對比照，同樣坐同在電腦枱前，擺相同嘅pose，樣貎一點都無變，「省鏡」依然，網民留言大讚「點解我唔覺有變」、「仲靚咗」、「不老的傳說」。真係大家都想向佢偷師，點先可以keep得咁好?
聶德權都Keep得唔錯。
不過，兩位男局長各有特色，政制及內地事務局長聶德權上載自己十年前後嘅對比圖，話自己十年前做社署署長，成日探訪需要關懷嘅人，十年後工作崗位就變咗。唔知係咪經常運動，所以聶德權十年前後都分別唔大，唔講仲以為只係昨日同今日對比。
黃錦星的分別就......
環境局局長黃錦星就索性玩大啲，貼出自己三十年前的相片，與今日作對比，後生時頭髮濃密，話「眨眼三十幾年！年輕時，已酷愛郊遊、行山及露營」，然後話題一轉，宣傳環保，「為環境揼少啲慳多啲」。網民關注黃錦星一髮不留，話「局長果然從源『頭』減廢」。
Sebastian
** 博客文章文責自負,不代表本公司立場 **
大型機構搞跑步活動好多，昂坪360就把競跑加上歷奇遊戲的元素，搞「蒙眼纜車『心導』挑戰賽」，為香港小童群益會「關注兒童及青少年精神健康」服務籌款。
Sebastian今早(1月13日)都去了參加。其中「蒙眼」部分是將搭纜車的旅程，要求參加者蒙起雙眼，感受身邊事物，由夥伴提示來完成任務，例如兩人用手指在玻璃窗上組成相框，表面以為好簡單，做完才知幾難，整個挑戰令人明白溝通和聆聽的重要。
一班傳媒老總全部變成蒙面俠。
另一個活動「赤腳跑上大佛」，就要求整組人脫下鞋子，一股勁地跑過百級石級到天壇大佛，現實上好多參賽者係親子參賽，行多過走。但平時好少赤腳行街，赤腳上石級，別有一番感受。跑完大佛，才進行競跑活動，過程中還要完成多個挑戰任務。
赤足上大佛之前當然要合照。查小欣(左1)和胡孟青(右2)都有參加嘉賓賽。
蒙眼纜車「心導」挑戰賽有主題曲，原曲由現年10歲的「香港小巨肺」譚芷昀（Celine）作曲，梁栢堅填出中文詞。Celine參加《全美一叮》（America's Got Talent）一鳴驚人，她今天也有參加活動的頒獎禮，更即場清唱，她金口一開，相當壓場。
「香港小巨肺」譚芷昀。
昂坪360署理董事長總經理劉偉明話，今日的活動有過1000人參加，籌得善款42.8萬，全數捐給小童群益會，做提升學童精神健康計劃，非常有意義。
昂坪360署理董事長總經理劉偉明
