佔領機場？

當泛民政黨都覺得佔中失咗控，想叫群眾在街頭撤退之際，個運動就愈趨失控，有示威者開始號召去佔領機場。

網上流傳一條示威者昨日在街上發言的片段，鼓動人去佔機場，話佔機場大樓，政府好難趕佢地走。佢仲講到「官逼民反」咁話。

聞說警方也注意到這些鼓吹叫人佔機場的行動，正積極防範，以免機場出事。

群眾運動必然係咁，理性的參與者走了，激進的就主導，行動對社會的傷害愈來愈大，終至悲劇收場。

Ariel

** 博客文章文責自負,不代表本公司立場 **

特首梁振英話佔中有外國勢力參與，至於係咪公開證據，適當時候會有適當考慮，呢番講話引起政界關注。而泛民就大力反擊，指特首是無中生有。

美國政府公開場合一直都否認背後策動或資助佔中，佔中活動發起人同學聯、學民亦都否認，不過最近一位美國前高官就公開話呢啲指控並非全無根據。

呢位就係白邦瑞（Michael Pillsbury），佢來頭唔少，曾經喺列根時代任職美國國防部，到而家仲係美國國防部顧問。佢接受當地電台訪問時承認，美國駐港總領事館人員有份策劃喺香港推動民主運動，並透過美國國家民主基金會（National Endowment for Democracy）提供過數以百萬(美元)計資金。早前有網民爆料指，美國國家民主基金會過去二十年有份資助職工盟的組織。

佢又認為本港學生向習近平發公開信，係聰明的做法，就好以八四年（在訪問中說是八九年）港大學生會要求北京保障本港政權移交後有民主自由，當時擔任總理的趙紫陽的回信，話香港終有一日會有民主，被視為中央領導人的承諾。

有關白邦瑞的訪問全段內容，可到http://youtu.be/cp2a4v3hBVg瀏覽。