會展老總Monica出絕招迎客 原來是四隻小豬……

會議展覽中心請傳媒食飯預祝新年，會展董事總經理梅李玉霞（Monica）一身靚靚旗袍現身。

會展董事總經理梅李玉霞

Monica講起去年是會展30週年，不覺得中美貿易戰對會展生意有什麼影響。今年經濟有點不明朗，但控制唔到兩個國家，卻可以做好自己。會展未來5年會投入10億，強化自己軟硬件的設施。

會展請食飯一向有好嘢，不過今天(1月22日)的主角不是整到畫一樣美的綠茶奶凍甜品。他們的公關大員叫大家一定要留到最尾等神秘嘉賓出場，原來是豬….

畫一樣美的綠茶奶凍甜品也出不到位。

推出來四隻粉紅豬，造成錢甖的型狀，把它打碎，肚內充滿了朱古力金幣。小豬的外殼是士多啤梨朱古力，都幾好食。

Monica帶頭打碎小豬錢甖。

粉紅豬肚內充滿了朱古力金幣。

搞到傳媒人都十分興奮，爭取打小豬，攞個好意頭。其實仲有一個小豬甜品，個樣都相當趣。由於豬仔樣子得意，相信豬年手信都幾受歡迎，花市有商機。

小豬甜品好趣。

Sebastian

** 博客文章文責自負,不代表本公司立場 **

特首林鄭月娥近日壓力甚大，覺得好多事情都好艱巨，好易有感而發，昨晚（1月20日）她主持西九戲曲中心開幕首演，致辭時提起戲曲中心的工程同樣艱巨，仲講起佢原來親自出馬去打動「仙姐」白雪仙，出任開幕劇目的藝術總監。

特首打算「雞脾打人牙骹軟」請仙姐出山。

戲曲中心開幕劇是名劇《再世紅梅記》。林鄭講起自己邀請仙姐做開幕劇藝術總監方面「有功勞」，她做政務司長時，透過前立法會議員劉千石，邀請仙姐到政務司長官邸晚宴，事前探聽到仙姐最愛羊腩煲和蛇羮，就準備好，計劃「雞脾打人牙骹軟」。

西九戲曲中心

林鄭話，仙姐食完，猛咁搖頭，心想難道收錯風，仙姐不喜歡食這些東西？唯有不斷解釋。最後才知仙姐聽力不好，只是一邊耳仔帶了耳機，她在另一邊講，仙姐搖頭是說她聽不到。仙姐最後都答應幫手。

林鄭晚睇完《再世紅梅記》首演，又會趕去機場，凌晨搭夜機飛歐洲，出席達沃斯世界經濟論壇，終於可以離開香港這個是非之地了。